كيفية عمل توكيل من شخص محبوس

الموضوع ده هام بجد وكتير من الزملاء ميعرفوش الاجراءات
اولا حضرتك بتكتب طلب بخط اليد للمحامي العام وبتجييب عليه تأشيرة نيابة ومعلومات من التنفيذ 
ثانيا تكتب الطلب والمعلومات اللي عليه ع الكمبيوتر وترفق فيه الطلب المكتوب بخط اليد وصورة الكارنية بتاع حضرتك 
ثالثا تذهب الي سكرتارية المحامي العام للنيابة التابع لها ( ليس النيابة التابع لها محل الإقامة إنما النيابة التي وقعت الجريمة في دائرتها وتولت محاكمة المتهم) تقدم الطلب وتاخد رقم حضرتك بعدها بثلاث ايام بتروح لسكرتارية المحامي العام بتديك رقم صادر لدار القضاء العالي
رابعا تروح لسكرتارية النيابة ف دار القضاء العالي الدور الارضي رابع مكتب بعد البوابة الامامية ع الشمال هتسأل بالرقم الصادر اللي معاك هتاخد رقم صادر لمصلحة الشهر العقاري ف الاسعاف
خامسا هتروح شهر عقاري الاسعاف بالرقم اللي معاك هتاخد رقم صادر للشهر العقاري التابع ليه السجن المحبوس فيه المتهم
سادسا هتروح الشهر العقاري اللي هيحددهولك هيحددولك يوم للإنتقال لانهم عندهم يوم معين للإنتقال للسجن هتروح ف اليوم ده ع الساعة 11 متروحش بدري لان الانتقال بعد الساعة 12 هتدفع الرسوم وتروح مع الموظف للسجن يعمل لحضرتك التوكيل وترجعوا تاني للشهر العقاري يودع التوكيل ويدي حضرتك صورة رسمية منه وتستلم التوكيل
نفع الله بنا وبكم
صيغة الطلب ……
السيد المستشار / المحامى العام لنيابات ……….
تحية طيبة وبعد
مقدمة لسيادتكم الاستاذ/ …………. المحامي
يرجاء من سيادتكم الموافقة على انتقال موظف من الشهر العقاري المختص الي سجن……… لعمل توكيل رسمي عام ف القضايا (نوع التوكيل) من السيد / …………
المحبوس بالسجن المذكور علي ذمة القضية رقم……. لسنة….
( جنح ااو جنايات) .
وتفضلوا بقبول وافر التحية
مقدمه لسيادتكم
الاستاذ / ………….
المحامي

توكيل_المسجون:
➖➖➖➖➖
السؤال: هل يجوز للمسجون عمل توكيل بالبيع والشراء والتصرف بشكل عام(توكيل رسمي عام)، من داخل السجن؟
الجواب:
↩اولآ/ إذا كان محبوس احتياطيا فيجوز لأن مازلت أهليته كامله (وإن كانت مقيدة بالحبس) طبقا للقاعدة القانونية -المتهم بريء حتى تثبت ادانته-.
↩ثانيآ/ إذا كان محكوم عليه بحكم نهائي ففي هذه الحالة لايجوز له ذلك لنقص الأهلية القانونية في التصرف؛ ولابد من تعيين قيم عن طريق تقديم طلب للنيابة الكلية ويحال الطلب الي المحكمة المختصة بعد العرض والمعلومات والموافقه، ويتم صدور قرار من المحكمة بتعيين قيم عليه يتولى ادارة شؤونه حتى خروجه من السجن.

مؤسسة حورس للمحاماه    01129230200

01129230200