أزاى تبحث اى قضيه جنائيه جيالك:
أزاى تبحث اى قضيه جنائيه جيالك: هنبتدى مثلا على سبيل المثال بقضايا المخدرات لانها بيبقى فيها جميع الدفوع متوافره سواء كانت دفوع شكليه او موضوعيه….هنبتدى بقضايا التلبس اللى فيها اذن نيابه …….
طبعا القضايا الكبيره بيكون الظابط او الرائد مأمن نفسه وجايب اذن نيابه وظابط العمليه عشان القاعده بتقول اهم من الشغل.. ظبط الشغل
أزاى تبحث اى قضيه جنائيه جيالك:
وطبعا ظابط المباحث هيجيب اذن نيابه بناءا على تحريات هو عاملها وعلى اساسها بيطلب الاذن من النيابه لامساك المجرم متلبس…
على سبيل المثال فى التحريات دى بنلاقى الرائد او المقدم كاتب فى تحرياته:
بتاريخ كذا اثبتت تحرياتنا السريه بأن المدعو كذا المقيم بناحيه كذا بالاتجار فى مخدر الحشيش ويتخذ بيته مكانا لمباشره نشاطه الاجرامى والتعامل مع العملاء وطبعا التحريات بيكون ليها تاريخ لازم تركز عليه ..
اذن النيابه : دائما اذن النيابه بيطلع فى نفس تاريخ اللى بيتم كتابه التحريات فيه وبيكون بعدها بكام ساعه …
وبيبقى اذن النيابه مكتوب فيه التاريخ والوقت ولازم تركز عليهم جدا وتعمل مقارنه بين التواريخ والساعات المكتوبه …
محضر القبض: وده المحضر اللى بيتم تحريره فى القسم بعد القبض على المتهم وبيكون مكتوب تاريخه وساعته برده واهم حاجه بيكون مكتوب فيه ساعه القبض بخلاف ساعه وتاريخ تحرير محضر القبض وهيجى الكلام ده ملخص لمحضر القبض ان الرائد او المقدم اللى معاه اذن النيابه راح للمكان اللى بيسكن فيه المتهم وراح هو وافراد القوه السريين
ومشيو كانهم اشخاص عاديه لقو المتهم خارج ومعاه مخدرات او دخلو بيته وفتشو لقو مخدرات وانهم خلوه يشوف اذن التفتيش مع انه مبيشوفوش اصلا من كتر الضضرب
بس هما لازم يكتبو كده عشان يبقى المسأله قانونيه وطبعا هيكتبو الاشياء اللى مسكوها ويوصفوها وهكذا …
تحقيقات النيابه : طبعا التحقيقات هتوصف كل حاجه بالملى وهتناظر المتهم وهتوزن كل حاجه بميزان حساس ولو اسلحه هتكتب مواصفاتها ونوعها وعيارها ومقاسها وهكذا طبعا الوزن هيختلف لان الظابط هيكتب وزن تانى خالص غير الوزن اللى هتكتب النيابه على الميزان الحساس غير الوزن اللى هيكتبو المعمل الكيماوى دايما بيكون فيه تناقض فى الوزن وممكن تدفع بالتناقض ولكن متعتمدش ع الدفع ده نظرا لان محكمه النقض قالت ان الوزن لايعد دليل ابطال لما جاء فى المحضر …
انا اشارت فوق على انك لازم تاخد بالك من التواريخ والساعات والاوقات عشان ممكن تلاقى تراخى من الظابط فى استخدام اذن النيابه او ان قبض على المتهم ولم يعرضو فى خلال 24 ساعه او انه لم يقم بعمل المحضر فور وصوله النقط دى بتبقى مهمه جدا .
الدفع المهم والاهم هو عدم جديه التحريات لانها دايما بتيجى ناقصه وغير يقينيه ..
وهنا سؤال الظابط ؟ مافصد المتهم من احراز تلك المضبوطات
لو كانت كميه كبيره هيقولك اتجار ولو ممسوك بسجاره ولا سجارتين هيقولك تعاطى .. هنا لازم تعلق على كلامه وتثبت ان الكميه ليست دليل على ان مالكها متعاطى او تاجر لاننا بنلاقى ان تاجر التجزئه بتلاقى معاه كام حته كده يعملو كام سجاره
مع انه تاجر بس معهوش كميه يعنى …
وبعدين ركز انك تسال الظابط على المكان اللى خرج عشان اذن النيابه ووصفه ايه قبل القبض مش هتلاقيه عارف المكان لانه تحرياته غير جاده بعد القبض هيوصف المكان لانه دخله بالفعل ..
وبقيت الدفوع طبعا هتيجى من خلال موضوع المحضر اللى هيكون معاك انا بس حبيت اتكلم عن النقاط الاساسيه اللى لازم نركز عليها وان مهما كانت القضيه كبيره هتلاقى غلط فى اى اجراء ممكن يبوظ القضيه كلها بمجرد ان المحكمه تشك فى التحريات والاجراءات وموضع الواقعه وتصورها من هنا تبدأ تستخلص البراءه .. ومتنساش تتاكد من صحه اذن النيابه وهل هى مختصه ولا لا بدايره القسم وهل عليه توقيع اسم وكيل او رئيس النيابه ولا لا وتقرير المعمل الكيماوى ايه اللى ثبته وتحاول تثبت التناقض فى المحضر والتحريات والتحقيقات والواقعه نفسها وهل الظابط استخدم اذن النيابه صح ولا تجاوز هذا الاذن يعنى اذن النيابه خارج لمكان يبقى لايتجاوز هذا المكان خارج لشخص يبقى لايتجاوز هذا الشخص وهكذا
مؤسسة حورس للمحاماه 01129230200
01129230200