استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

نصائح قبل التوقيع علي قائمة المنقولات

824

نصائح قبل التوقيع علي قائمة المنقولات

١- اوعي توقع هتتبهدل

٢- على الزوج ألا يوقع إلا اذا تأكد من وجود المنقولات المذكورة بالقائمة بالفعل على الطبيعة ولا يوقع أبدا على منقولات ليست موجودة .

٣- يجب أن توصف المنقولات وصفا جيدا حتى تتميز عن غيرها عند “المنازعة”، وذلك بذكر أوصافها الأساسية من الألوان والنوع والحجم والشكل والسعر .

٤- يجب أن يوقع الزوج بكتابة اسمه بالكامل بخط واضح وليس فورمة .

٥ – على الزوج التوقيع على كل ورقة خشية أن يتم تبديل أي ورقة من الأوراق.

٦ – اوعي توقع هتتبهدل

٧ – مراعاة ألا يكون في القائمة أي كشط أو إضافة أو تحشير ولا يجب ترك مسافات كبيرة بين الأسطر .

٨ – يجب أن تتضمن القائمة اقرارا بأن الزوج تسلم جميع المنقولات المدرجة بالقائمة وصفا وقيمة على سبيل الأمانة ، يتعهد بردها فور طلب الزوجة ذلك بالحالة التى كانت عليها وقت استلامه لها، وفى حال سرقة المنقولات أو تلفها أو هلاكها أو حرقها يلتزم برد ثمنها، وفى حال عدم تسليمها أو تبديدها يكون خائنا للآمانة ويتحمل المسئولية الجنائية والمدنية .

٩ – أن يحصل الزوج على نسخة من القائمة ضمانا لعدم التلاعب فيها .

١٠ – أوعي توقع هتتبهدل

                 مؤسسة حورس للمحاماه والاستشارات القانونيه

قائمة المنقولات الزوجية ..

قائمة المنقولات تتساوى قانونيًا مع إيصال الأمانة فى مادة التجريم ودى المادة 341 من قانون العقوبات
فبتكون بمثابة أن الشخص يكتب إقرارا بأنه تسلم المنقولات ولكن على سبيل الأمانة، ويردها عينًا أو نقدًا متى طُلبت منه

– وتكون عقوبة تبديد الأمانة الحبس من 24 ساعة وحتى 3 سنوات ويجوز أن يزاد عليه غرامة لا تتجاوز مائة جنية مصري.

١ – لا يحق للزوجة الحصول على أموال نقدية بدلاً من المنقولات.

٢ – يلتزم الزوج برد قائمة المنقولات أموال فى حالة تلف المنقولات أو صعب ردها بحالتها.

٣ – فى حالة ضياع أو تلف شئ من قائمة المنقولات على الزوج رد قيمة الشىء المفقود ماليًا.

٤ – إذا فُقِدَ منقول من القائمة ولم تكن قيمته المالية مسجله يتم انتداب خبير لتحديد قيمة المنقول المفقود.

٥ – لا يحق للزوج رد منقولات غير التى تسلمها
(المثبته بقائمة المنقولات).

٦ – يجوز للزوجة إقامة دعوى ضد زوجها بتبديد قائمة المنقولات الزوجية، سواء إذا كانت العلاقة الزوجية قائمة أو منفصلين واي ان كان نوع الطلاق.

٧ – طب ازاى تتصرف الزوجة فى حالة رد الزوج منقولات غير التى الزوج استملها ؟
بالامتناع عن استلامها وندب أحد الخبراء لمعاينة المنقولات وعليها أن تثبت صحة موقفها.

٨ – طب ازاى بتستلم المنقولات ؟

بتقوم المحكمة بتمكين الزوج من عرض المنقولات عرضًا قانونيًا وبيحدد القاضى المكان والزمان أمام أحد أقسام الشرطة، ويُحضر الزوج منقولات الزوجية ويسلمها للزوجة، ويحرر محضر بإثبات الحالة بعد معاينة الشرطة للمنقولات وإقرار الزوجة بالاستلام، وحينها تقضى المحكمة بانقضاء الدعوى الجنائية .

٩ – و قد تعترض الزوجة على استلام المنقولات فى حالة أن بها إتلاف ونقص فى محتوياتها، وترفض الاستلام هنا للمحكمة إنها تدى الزوج فرصة لاستكمال الناقص من المنقولات وتغيير التالف .

خد بالك
١٠ – تتعسف بعض الزوجات أحيانًا، وتدعى أن المنقولات غير مطابقة لمنقولاتها، أو بها تلفيات وده على خلاف الحقيقة وترفض استلامها
هنا يمكن للقاضى إعطاؤها فرصة أخرى للاستلام وفى حالة إصرار الزوجة على الرفض تبرئ المحكمة الزوج بسبب تعسف الزوجة
و خد بالك كمان  أنه من حق القاضى ندب خبير لبيان مطابقة المنقولات من عدمه والاستماع للشهود، فى حالة إدعاء الزوجة أن الزوج قام بتبديل منقولاتها بأخرى.

#قائمة_المنقولات_الزوجيه …. فى ستات كتير حقها بيضيع فى قائمة المنقولات الزوجيه حين المطالبه بها بسبب أخطاء بسيطه عند تحرير المحضر أو عند كتابة القائمه وكمان فى ستات كتير فاكره أنها علشان تطلب القائمه يبقى لازم تطلق وده غلط …. أولا علشان تتفادى اى كلام ممكن يحصل من المحامى بتاع الزوج بخصوص القائمه بتاعتك لازم تخلى بالك من الى حقوله كويس اوى …

أولا / انتى من حقك تشتكى بالقائمة اى وقت سواء اذا كانت العلاقه الزوجيه قائمه أو لا …

ثانيا / لازم انتى إلى تروحى القسم وتعملى محضر التبديد بنفسك أو تعملى توكيل خاص لمحامى يعنى مش تقولى انا عمله توكيل عام قضايا وده كفايه … وهو بالتوكيل الخاص ده يعمل المحضر أو يرفع جنحه مباشره وكمان ماينفعش يكون مر وقت على جريمة التبديد اكتر من 3 شهور .. طيب وايه السبب ؟؟ السبب أن فى بعض القضاه بتحكم بعدم جواز نظر الدعوى لسقوط حق الزوجه فى الشكوى بمرور 3 شهور أو عدم جواز نظر الدعوى لرفعها بغير الطريق الذى رسمه القانون اعمالا لنص الماده ( 3 ) من قانون الإجراءات الجنائيه …

ثالثا / خلى بالك لو انتى اشتكيتى بالقائمة وبعدين اتصالحتى فيها ماينفعش تشتكى تانى بنفس القائمه لازم الزوج يكتب قائمه جديده ….

رابعا / ماينفعش حضرتك تخلى الزوج يمضى على قائمة على بياض أو يمضى على قائمة مش متمنه … وليه ؟؟ علشان هو ممكن يطعن بالتزوير على المبلغ ويقول انه كان ماضى على بياض والمبلغ ده اتكتب بعد ما مضى والخبير طبعا حيقدر يثبت ده وفى الحاله دى حيروح حقك فى القائمه وكمان ممكن النيابه توجهلك تهمة خيانة الائتمان والتزوير … يعنى لازم يكون آخر حاجه تتكتب فى القائمه هى توقيع جوزك …

خامسا / من حقك لو زوجك طلب عرض المنقولات التى بالقائمه عرض قانونى وعرض حاجات مش حاجتك من حقك ترفضيها أو تطلبى مكانها فلوس بنفس قيمة الحاجه ….

سادسا / يفضل عند كتابة محتويات القائمه انك تكتبى جمب كل حاجه سعرها وفى الاخر خالص القيمه الإجماليه للقائمه وبعدها جوزك يمضى علشان لو مااقدرش يعرض المنقولات كلها أو بعضها يبقى من حقك تطلبى المبلغ إلى فى القائمه أو قيمة الحاجه إلى نقصه زى ماهى مكتوبه بالظبط …. والأهم من كل ده اوعى جوزك يعمل عليكى ناصح ويكتب فى القائمه أنها تستحق عند أحد الاجلين … ده معناه انك ماينفعش تشتكى بالقائمة إلا بعد الوفاه أو الطلاق خلى بالك اوى من الحته دى لازم يتكتب فى القائمه أنها تستحق عند الطلب ….

هوا انت بتفتكري انك مع الخلع هتخسري كل حاجه ؟

ومش هتاخدي الشقه ولا القايمه ولا النفقه ؟

هوا صحيح في الخلع الزوجه بتتنازل عن كل حقوقها ومش بتاخد اي حاجه؟

طب لو جوزك سابك متعلقه ومش راضي يطلق هتعملي ايه ؟

لو زهقتي ومش قادره تكملي مقدمكيش غير الخلع فاعرفي يعني ايه خلع ؟
الخلع

معناه انو حضرتك محتاجه تطلقي من جوزك وعشان كدا بتتنازلي عن نفقه المتعه والعده و المؤخر وبس وبس وبس

اما باقي الحقوق فدي حقك وحق اطفالك فالسؤال المهم هوا مع الخلع هتتنازلي عن مسكن الزوجيه ؟

لا طبعا هتتمكني من الشقه وهتاخدي مسكن الزوجيه عشان انتي حاضنه وكمان هتاخدي الشقه لوحدك انت واطفالك وهوا يشوف مكان يعيش فيه

طيب بالنسبه للنفقه والقايمه هتاخديها ولا لا ؟

بردو هتاخدي قايمتك كامله عادي جدا ونفقه لاطفالك كامله وشهريه والخلع مش هياثر علي حاجه من الحقوق دي خالص
فليه بقا تتنازلي عن حقوقك وتستعجلي مع انك ممكن تستني شويه وقت وتاخدي حقوقك كلها الي اكيد هتبقي محتاجها بعد الانفصال متخليش حد يضحك عليكي افهمي حقوقك يصديقي وتابعينا كل يوم هنقولك حق جديد من حقوقك تحياتي

ونرحب بالرد على كافة استفساراتكم القانونيه

موسسة حورس للمحاماه01129230200

مؤسسة حورس للمحاماه والاستشارات القانونيه

للتواصل

من داخل مصر                                                   01129230200

من خارج مصر  (واتس اب)                              00201129230200