استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

قائمة المنقولات الزوجيه … هم تقيل على قلب كل واحد متجوز وطبعا مش بيبقى عارف يطلع منه ازاى … ؟؟؟

991

قائمة المنقولات الزوجيه … هم تقيل على قلب كل واحد متجوز وطبعا مش بيبقى عارف يطلع منه ازاى … ؟؟؟

قائمة المنقولات الزوجيه … هم تقيل على قلب كل واحد متجوز وطبعا مش بيبقى عارف يطلع منه ازاى … ؟؟؟

● بص ياسيدى فى حل بسيط جدا للموضوع ده وممكن كمان تبقى كسبان فيه … قائمه المنقولات حضرتك بتستلمها بصفه الامانه والمفروض انك بتردها عند الطلب والمفترض انك بترد إلى استلمته يعنى سيبك من الهبل إلى بيقول ترد المبلغ والكلام الفاضى ده .. يعنى لو حصل خلاف بينك وبين زوجتك وانت ماضى على قائمه منقولات زوجيه وحاسس أنها ممكن تشتكى بالقائمه اى وقت انت تعمل ايه … ؟؟؟ اقولك تعمل ايه امشى فى الخطوات دى بالتدريج …

١ – إنذار عرض للزوجه على يد محضر بإستلامها المنقولات الزوجيه الخاصه بها والا سوف تقوم بإيداعها فى مكان مخصص لذلك مع تحملها نفقات الإيداع … من غير تصريح من القاضى .. ؟؟ اه من غير تصريح من القاضى .. طيب ولو بردو ماستلمتش يبقى نكمل الخطوه إلى بعدها

٢ – حتشوف مكان تأجره وتعمل للعقد إثبات تاريخ فى الشهر العقارى ويكون مثبت فيه القيمه الايجاريه ..

٣ – حتعمل إنذار على يد محضر بإلزامها بسداد مبلغ الإيجار الشهرى لقاء إيداع المنقولات

٤ – حترفع دعوى فى المحكمه وتطلب فيها رد قيمه الإيجار إلى انت دفعته مع الفوائد القانونيه ..

** طيب وكل ده حيفدنى فى ايه لو هى اشتكت بالقائمه .. ؟؟
اقولك ياسيدى أولا القاضى لما يلاقيك عامل إنذار عرض وبتطلب أنها تستلم المنقولات وهى رافضه ده معناه انك ماعندكش نية التبديد وممكن يحكم بالبراءه أو عرض المنقولات مره تانيه ثانيا حضرتك بقى ليك حق عندها نظير إيداع المنقولات فى المكان الى المفترض انك مأجره من تاريخ تحرير العقد ثالثا وده الأهم هى غالبا حتخاف اول لما يجلها الإنذار وحتستلم المنقولات من غير قضايا …

ملحوظه … مش المقصود من المنشور ضياع حقوق حد لو الزوج عرض على الزوجه منقولات بخلاف ماهو ثابت في القائمه سهل جدا أنها ماتستلمش وطبعا حيبقى كل إلى عمله الزوج على الفاضى ولكن المقصود بالمنشور هو حالات تعسف الزوجه فى استلام تلك المنقولات

                 مؤسسة حورس للمحاماه والاستشارات القانونيه

قائمة المنقولات الزوجية ..

قائمة المنقولات تتساوى قانونيًا مع إيصال الأمانة فى مادة التجريم ودى المادة 341 من قانون العقوبات
فبتكون بمثابة أن الشخص يكتب إقرارا بأنه تسلم المنقولات ولكن على سبيل الأمانة، ويردها عينًا أو نقدًا متى طُلبت منه

– وتكون عقوبة تبديد الأمانة الحبس من 24 ساعة وحتى 3 سنوات ويجوز أن يزاد عليه غرامة لا تتجاوز مائة جنية مصري.

١ – لا يحق للزوجة الحصول على أموال نقدية بدلاً من المنقولات.

٢ – يلتزم الزوج برد قائمة المنقولات أموال فى حالة تلف المنقولات أو صعب ردها بحالتها.

٣ – فى حالة ضياع أو تلف شئ من قائمة المنقولات على الزوج رد قيمة الشىء المفقود ماليًا.

٤ – إذا فُقِدَ منقول من القائمة ولم تكن قيمته المالية مسجله يتم انتداب خبير لتحديد قيمة المنقول المفقود.

٥ – لا يحق للزوج رد منقولات غير التى تسلمها
(المثبته بقائمة المنقولات).

٦ – يجوز للزوجة إقامة دعوى ضد زوجها بتبديد قائمة المنقولات الزوجية، سواء إذا كانت العلاقة الزوجية قائمة أو منفصلين واي ان كان نوع الطلاق.

٧ – طب ازاى تتصرف الزوجة فى حالة رد الزوج منقولات غير التى الزوج استملها ؟
بالامتناع عن استلامها وندب أحد الخبراء لمعاينة المنقولات وعليها أن تثبت صحة موقفها.

٨ – طب ازاى بتستلم المنقولات ؟

بتقوم المحكمة بتمكين الزوج من عرض المنقولات عرضًا قانونيًا وبيحدد القاضى المكان والزمان أمام أحد أقسام الشرطة، ويُحضر الزوج منقولات الزوجية ويسلمها للزوجة، ويحرر محضر بإثبات الحالة بعد معاينة الشرطة للمنقولات وإقرار الزوجة بالاستلام، وحينها تقضى المحكمة بانقضاء الدعوى الجنائية .

٩ – و قد تعترض الزوجة على استلام المنقولات فى حالة أن بها إتلاف ونقص فى محتوياتها، وترفض الاستلام هنا للمحكمة إنها تدى الزوج فرصة لاستكمال الناقص من المنقولات وتغيير التالف .

خد بالك
١٠ – تتعسف بعض الزوجات أحيانًا، وتدعى أن المنقولات غير مطابقة لمنقولاتها، أو بها تلفيات وده على خلاف الحقيقة وترفض استلامها
هنا يمكن للقاضى إعطاؤها فرصة أخرى للاستلام وفى حالة إصرار الزوجة على الرفض تبرئ المحكمة الزوج بسبب تعسف الزوجة
و خد بالك كمان  أنه من حق القاضى ندب خبير لبيان مطابقة المنقولات من عدمه والاستماع للشهود، فى حالة إدعاء الزوجة أن الزوج قام بتبديل منقولاتها بأخرى.

للتواصل

من داخل مصر                                                   01129230200

من خارج مصر  (واتس اب)                              00201129230200