لما تيجى تأجر شقتك ، ﻻزم تضع البنود الأتية

لما تيجى تأجر شقتك ، ﻻزم تضع البنود الأتية

◀ تستحق القيمة الإيجارية خلال الخمسة أيام الأولى من بداية كل شهر.

◀ فى حال تأخر المستأجر عن سداد القيمة الإيجارية خلال الخمسة أيام الأولى من بداية كل شهر يعتبر هذا العقد مفسوخا من تلقاء نفسه.

◀ لا تبرء ذمة المستأجر من القيمة الإيجارية إلا بإيصال موقع من المؤجر يفيد إستلامه القيمة الإيجارية .

◀ ينتهى هذا العقد بانتهاء مدته ، دون الحاجه الى تنبيه او إنذار .

◀ لا يجدد العقد لمدة أخرى الا بموافقة المؤجر و بعقد إيجار جديد.

◀ تختص محكمة الأمور المستعجلة بنظر اى دعوى تتعلق بالإخلال بأى بند بنود هذا العقد .

◀ ﻻ يرد التأمين فى حال إخلال المستأجر بأى بند من بنود العقد.

أخيراً : لو المستأجر سدد القيمة الإيجارية يوم 6 او 7 .. ﻻزم تأرخ إيصال الإستلام فى خلال الخمسة أيام الأولى ، لأن لو الإيصال مؤرخ بعد هذا التاريخ ، كده يعتبر انك تنازلت عن البند المتعلق بالتأخر فى سداد القيمة الإيجارية ، و مش هيبقى ليك حق تفعل البند ده بعد كده.

بكده : تقدر تسترد الشقة فى خلال من شهرين : أربعة شهور فى حال إخلال المستأجر بأى شرط او عند نهاية المدة و رفضه الخروج من الشقة.

نصائح هامه عند كتابة العقود

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق …

١ – العقد مش حيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ – العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ – مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ – ياريت حضرتك لو مش حنتقل عليك سواء بائع أو مشترى تمضى على كل ورقة ياريت ماتستسهلش وتكسل

٥ – قولنا مليون مرة فى فرق بين صحه التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى اتسجل__

٦ – مافيش حاجه اسمها تنازل على ظهر العقد ويبقى كده اشتريت … اشتريت يعنى اعمل عقد بيع وشراء

٧ – ياريت لما حضرتك تشترى شقة
أو تأجر تاخد آخر إيصالات مياه وكهرباء وغاز علشان لو المشترى باعلك مش حتشوف وشه تانى وغصب عنك هتدفعهم

٨ – صحه التوقيع مهمة وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماتندمش بعد كده
وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ – لو حضرتك اشتريت شقه تمليك ومالكش حصة فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ – لو اشتريت شقه من واحد والشخص ده اتوفى بعد ماباع لك من حقك ترفع صحة توقيع على ورثته عادى

١١ – عقد الإيجار ممكن يتعمل عليه صحه توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ – ياريت قبل ماتشترى شقه تسأل هل صدرلها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ – ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحه توقيع للعقد المحكمه لازم يكون قدامها أصل العقد وطبعا المحامى مش حيقدر يسحب الأصل غير لما القضيه تخلص …

١٤ – على فكره عادى جدا انك ترفع دعوى صحه توقيع على عقد ابتدائى أو عقد لسه عليه أقساط مافيهاش مشكله

● بعض المعلومات الهامة فى تحرير العقود ونرحب بالرد على كافة استفساراتكم القانونية

موسسة حورس للمحاماه              01129230200

مؤسسة حورس للمحاماه والاستشارات القانونيه

للتواصل عبر الهاتف واتس آب وفايبر 00201129230200