لو عربيتك اتسرقت في خطوتين مهمين لازم تعملهم بعد ما تعمل المحضر في القسم
لو عربيتك اتسرقت في خطوتين مهمين لازم تعملهم بعد ما تعمل المحضر في القسم
اولهم– انك تاخد رقم محضر السرقه ال عملته وتطلع بيه علي مباحث المرور تعمل حاجه
اسمها– إشارة نشر– ودي معناها انك بتنشر علي كل أجهزه الحاسب الالي في مصر ان عربيتك ال نمرها كذا مسروقه ودي ليها ميزه ان لو العربيه وقفت في اي كمين وفحصو النمر بالجهاز ال مع ظباط المرور هيتغرف ان العربيه دي مسروقه وان ال مبلغ بالسرقه هو فلان وعنوانه المكان الفلاني
او لو العربيه حد لاقاها وراحت اي اقسم علي مستوي مصر هيقدرو يوصلولك والمفروض ان ده إجراء تلقائي بيتعمل بعد المحض بس محدش بيعمله –تاني حاجه–
انك تروح النيابه وتطلب من وكيل النيابه يديك جواب للمرور ال عربيتك تابعه ليه بوقف التعامل علي العربيه بأي شكل –وده ميزته– ان لو انته ناسي الرخص جوا العربيه وقت السرقه ممكن الحرامي يضرب توكيل ويبيع العربيه لمشتري حسن النيه ساعتها انته بتدخل نفسك في دوامه لانه ممكن يروح ينقل مليكه ومحدش يفحص التوكيل ال معاه ويطلع رخصه بإسمه وساعتها انته دخلت في دوامه
–لكن — لو في موجود في ملف العربيه جواب بوقف التعامل عليها ساعتها اي حد يروح يعمل رخصه هيتمسك والعربيه هيتم التحفظ عليها ويقدرو يوصلوك برقم المحضر….
ملحوظه اخيره ….
خليك حريص وانته بتعمل اي محضر انك تسيب رقم تليفونك في المحضر نفسه عشان يقدرو يوصلولك.
هل إعادة السيارة المسروقة يعفي الفاعل من العقاب؟
معتادين التحايل على القانون يقوم مدمني المخدرات والعاطلين بالاستيلاء على سيارات الغير ليستمتعوا بها بعض الوقت ، سواء للتنزه أو لاغراض أخرى مشبوهة ثم يعيدوها لمكانها او يتركوها في أي مكان ، ظناً منهم أن هذا الفعل لا يعتبر جريمة سرقة بالمعنى المتعارف عليه على باعتبار حيازة السيارة تلك المدة تعد حيازة غير كاملة، وأنها حيازة عارضة ، وأن الشخص لم يقصد من حيازته للسيارة طوال هذه الفترة تملكها
والمتعارف عليه أن جريمة السرقة في صورتها الكاملة تقتضي الاستيلاء على ملك الغير بقصد التملك، ولذلك احتاط المشرع لتلك الثغرة فأصدر تعديلاً يعاقب بموجبه كل من استولى بغير حق وبدون نية التملك على سيارة مملوكة لغيره بالحبس مدة لا تزيد على سنة وبغرامة لا تقل عن مائة جنية ولا تجاوز خمسمائة جنيه أو بإحدى هاتين العقوبتين . (المادة 323 مكرر ( أولاً ) من قانون العقوبات) وهي من الجرائم الملحقة بجريمة السرقة.
مؤسسة حورس للمحاماه 01129230200
01129230200