تعمل ايه لو عربيتك اتسرقت ؟؟؟

تعمل ايه لو عربيتك اتسرقت ؟؟؟

في خطوتين مهمين لازم نعملهم بعد ما نعمل المحضر في القسم :
اولهم– انك تاخد رقم محضر السرقة اللى عملته وتطلع بيه علي مباحث المرور تعمل حاجه اسمها– إشارة نشر– ودي معناها انك بتنشر علي كل أجهزة الحاسب الالي في مصر ان عربيتك اللى نمرها كذا مسروقه ودي ليها ميزه ان لو العربية وقفت في اي كمين وفحصو النمر بالجهاز اللى مع ظباط المرور هيتعرف ان العربية دي مسروقة وان اللى مبلغ بالسرقة هو فلان وعنوانه المكان الفلاني او لو العربية حد لاقاها وراحت اي اقسم علي مستوي مصر هيقدروا يوصلولك والمفروض ان ده إجراء تلقائي بيتعمل بعد المحضر بس محدش بيعمله —

تاني حاجه– انك تروح النيابة وتطلب من وكيل النيابة يديك جواب للمرور اللى عربيتك تابعه ليه بوقف التعامل علي العربية بأي شكل –ودا ميزته– ان لو انت ناسي الرخص داخل العربية وقت السرقة ممكن الحرامي يضرب توكيل ويبيع العربية لمشتري حسن النية ساعتها انت بتدخل نفسك في دوامه لانه ممكن يروح ينقل مليكة ومحدش يفحص التوكيل اللى معاه ويطلع رخصة بإسمه وساعتها انت دخلت في دوامه –لكن — لو في موجود في ملف العربية جواب بوقف التعامل عليها ساعتها اي حد يروح يعمل رخصة هيتمسك والعربية هيتم التحفظ عليها ويقدروا يوصلولك برقم المحضر…. ملحوظة اخيرة ….

خليك حريص وانت بتعمل اي محضر انك تسيب رقم تليفونك في المحضر نفسه عشان يقدروا يوصلولك.

هام جدا ====نصائح المرور لتجنب سرقة سيارتك.. أبرزها عدم ترك المفتاح مع السايس قال العقيد ماجد موسى مدير إدارة العمليات بالمرور، إن هناك سيارات عديدة تبلغ بسرقتها خلال الفترة الماضية، مضيفاً أن جميع السرقات جاءت نتيجة قيام المواطنين بإعطاء سايس جراج سيارات لمفتاح سيارتهم عند دخولهم للجراج فيتم سرقة المركبة، ولذا يجب عليهم عدم الوقوع فى تلك الأخطاء، وهناك طريقة أخرى منها عن طريق النشل من قبل لصوص يقومون بمراقبة صاحب أى سيارة عند وضعه للمفتاح بداخل جيبه أثناء دخوله لأحد البنوك أو البريد فيقومون بنشله وبالتالى سرقة السيارة. وأضاف مدير الإدارة أن أخطاء أخرى يقع فيه قائدو المركبات عن طريق المغافلة بقيام إحدى اللصوص بالاحتكاك بسيارة أى مواطن وعند نزوله منها يقوم أحد الأشخاص باستقلال سيارته والهروب بها ولتجنب ذلك يجب عدم الوقوف والانصياع لذلك أبدا