استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

ازاي تعملي التمكين بنفسك سواء تمكين مشترك او تمكين منفرد

ازاي تعملي التمكين بنفسك سواء تمكين مشترك او تمكين منفرد

0 95
ازاي تعملي التمكين بنفسك سواء تمكين مشترك او تمكين منفرد
ركزي معايا…. لو عملتي الخطوات دي مش هتحتاجي توكلي محامي بشرط تكوني نشيطه شويتين وبالك طويل وتتحملي غتاته بعض الموظفين
في البدايه لازم نعرف امتي يكون التمكين مشترك مع الزوج وامتي يكون منفرد للزوجه فقط
التمكين بيكون مشترك مع الزوج في حاله عدم وجود طلاق والعلاقه الزوجيه ما زالت قائمة وبيكون منفرد للزوجه فقط في حاله وجود طلاق
طيب لو عملتي تمكين مشترك مع الزوج وبعد فتره حصل طلاق سواء بشكل ودي او بحكم محكمه في الحاله دي بيتم تعديل قرار التمكين ليكون منفرد

ازاي تعملي التمكين بنفسك سواء تمكين مشترك او تمكين منفرد

ا
اهم الخطوات حصولك علي التمكين وازاي تعمليه بنفسك كالاتي
ا
معاكي اطفال اقل من 15 سنه وزوجك طردك من مسكن الزوجيه او فيه خلافات وبقالك كتير عند اهلك ومفيش اي حل ودي بيتم اول حاجه بتروحي نيابه الاسرة التابعه لمسكن الزوجيه وتكتبي طلب بأسم رئيس النيابه لشؤون الاسره لتمكينك من مسكن الزوجيه بصفتك الام الحاضنه وترفقي مع الطلب صوره بطاقتك وصوره قسيمه الزواج او الطلاق وصور شهادات ميلاد الاطفال وبعد تقديم الطلب النيابه هتسمع اقوالك حول الواقعه ويبعتوا للزوج ايضا لاخذ اقواله سواء حضر او محضرش مش هتفرق (إلا لو قدم مايفيد انك بتاخدي نفقة شامله المسكن) الطلب ده بيتم قيده برقم ولازم تحتفظي به علشان تسالي بعد كدا القرار صدر ولا لسه وتستلميه.
وبعدين بيتم عمل تحريات حول إذا ماكانت الشقه هي مسكن زوجيه ولا لاء بسؤال الجيران او الناس اللي في المنطقه وبعدين بيصدرلك القرار بالتمكين ولازم تعلني الزوج بالقرار خلال 3 ايام من صدوره بعد كدا بتروحي بالقرار محضرين التنفيذ لعمل توكيل بالتنفيذ ويتم التأشير من قاض التنفيذ بالتنفيذ ويتم انتقال معاون التنفيذ بالتنسيق مع قسم الشرطة المختص لتنفيذ قرار التمكين طيب لو تم تحديد معاد للتنفيذ والزوج قفل الشقه او مش عايز يفتح الباب محضر التنفيذ بيثبت الكلام ده في محضر وبيعرض الامر علي قاضي التنفيذ لاخذ تأشيره بالكسر وبيتم تحديد معاد تاني وبيتم التنفيذ
كل الخطوات دي بتتم خلال شهر واحد فقط
#التمكين_من_مسكن_الزوجيه
يتسائل الكثير هل اذا كان مسكن الزوجيه ملك لوالد الزوج او والدته يحق للزوجه التمكين من مسكن الزوجيه
اة يصدر قرار التمكين حتى ولو كان المسكن ملك لوالد الزوج او زوجته وحتى ولو قام ببيعه ولم يصدر حكم بشأن ذلك البيع فيصدر القرار اذا ما قرروا الشهود الجيران وتحريات المباحث ان ذلك مسكن الزوجية وكانت الزوجه تقيم فيه هى وزوجها وقام بطردها واذا كان المسكن ملك لوالد الزوج يحق له اقامه دعوى طرد للغضب وكذلك المشترى الجديد اذا ما قام الزوج ببيع المسكن بالفعل ولكن في جميع الحالات يصدر قرار التمكين

اترك تعليقا