استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

ازاي تاخد براءه للمتهم ممسوك تلبس – محامي جنائي

ازاي تاخد براءه للمتهم ممسوك تلبس - محامي جنائي

0 102
ازاي تاخد براءه للمتهم ممسوك تلبس هذا ما سنتعرف عليه في سطور مقالنا، دايما فى محاضر التعاطى والمخدرات وخلافه من الجنايات بتلاقى الظابط بيتعمد فى المحضر وهو بيكتبه انه يخلق حاله من حالات التلبس علشان يستف اوراقه ويسبك المحضر ويخليه مفيهوش اى ثغره تخرج المتهم من المحضر ده بس دايما المحامى بينكش فى المحضر ويطلع المتهم براءة عشان كده الظباط بيكرهوا المحامين دايما ..
ومن اسباب ان المحامى بيطلع المتهم براءه انه بيحاول يثبت اى بطلان فى الاجراءات اللى تمت فى محضر الضبط منهم الاجراءات دى وهتلاقيها متكرره، فى كل مذكرات الدفاع اللى هتقابلها فى حياتك ودى هى اساسيات خروج المتهم براءه، انك تنكش فى كل حاجه فى المحضر حتى الاحراز متعتقهاش التواريخ متنسهاش واذن النيابه افحصه وهكذا.

ازاي تاخد براءه للمتهم ممسوك تلبس

ازاي تاخد براءه للمتهم
ازاي تاخد براءه للمتهم

ومن اهم الدوافع اللى مش هتستغنى عنها كمحامى جنايات الدفوع الاتيه عشان تعرف ازاي تاخد براءه للمتهم ممسوك تلبس:

أولا:

بطلان القبض والتفتيش لانعدام المبرر لاستيقاف المتهم: ودايما تلاقى الظابط كاتب فى المحضر اثناء تواجدنا فى الكمين او اثناء مرورنا لتفقد حاله الامن او اثناء مرورنا لضبط المحكوم عليهم والمشتبهين وهكذا… تم الاشتباه فى احد الاشخاص وهو ماشى.
أو لما شافنا جرى أو لما شافنا راح رامى حاجه من جيبه او كان ماسك شيء يعد جريمه والكلام اللى احنا عارفينه ده فى الحاله دى طبعا المحامى بيدفع بالبطلان لانعدام التخلى الارادى وعدم معقوليه تصور الواقعه وان محكمه النقض.
قالت ان الانسان الذى يلتفت يمين ويسار ده انسان طبيعى مش مشبوه ولا حاجه،
وده مش سبب شك وريبه عشان الظابط يفتشه ويقبض عليه عشان كده بندفع ببطلان الاستيقاف والقبض والتفتيش.

ثانيا:

بندفع ببطلان القبض والتفتيش لانتفاء وجود حاله من حالات التلبس:

وحالات التلبس نصت عليها الماده 30 اجراءات وهى الحالات دي:

الحالة الأولى: مشاهدة الجريمة حال ارتكابها.

كذلك الحالة الثانية: مشاهدة الجريمة بعد ارتكابها ببرهة يسيرة.

الحالة الثالثة: تتبع المجني عليه أو العامة للمتهم مع الصياح (تتبع الجاني إثر وقوع الجريمة).

كذلك الحاله الرابعه: اذا وجد المتهم بعد وقت قصير من الجريمه حامل اسلحه يستدل منها على انه قد قام بارتكاب الجريمه.

وطبعا بنلاقى محاضر كتير مفيهاش اى حاله من الحالات دى فبندفع بالدافع ده بطلان القبض،
لانتفاء حاله من حالات التلبس.

ثالثا:

لكي تتمكن من معرفة ازاي تاخد براءه للمتهم يجب انتفاء صله المتهم بالاحراز المضبوطه لتناقض وصف الاحراز فى محضر الضبط وفى تحقيقات النيابه وتناقض الوزن مع تقرير المعمل الكيميائى :
وهنا انت لازم تخلى القاضى يشك فى الاحراز وكل حاجه لازم يشك فى الظابط ويشك فى التحقيقات والشك دايما فى صالح المتهم بتاعك.
بتدفع بقصور وصف النيابه للاحراز وتوصفها يعنى لازم النيابه توصف الاحراز اللى فى ايدها مينفعش تقول فى التحقيق وتم فض الاحراز ووجدناها مطايقه لما تم قيده فى محضر الضبط وتسكت لا لازم توصف الحرز بالتفصيل الممل وتوزنه كمان عندها وهكذا…

رابعا :

قصور التحقيقات وخلو المحضر من معاينه النيابه لمكان الضبط:

كما نصت الماده 31 اجراءات مما يجعل الادله الماديه التى وصفها الظابط تحت بند التلاعب،
ولازم يتم معاينه المكان اللى حصل فيه الجريمه عشان يتم التاكد من صحه كلام الظابط أو لا.

خامسا:

ازاي تاخد براءه للمتهم
ازاي تاخد براءه للمتهم

تلفيق الاتهام واختلاق واقعه التلبس من خلال ظابط الواقعه:

ودايما بنلاقى الظابط هو الشاهد الوحيد فى القضيه ودايما تلاقيه مش ثابت اى شهود فى القضيه،
وده بيخالف برده نص الماده 31 اجراءات جنائيه على ان يجب على مأمور الضبط القضائى ان يذكر مكان الواقعه واثبات شهاده شهود الواقعه.
كذلك يثبت الناس اللى كانت موجوده وايضاحاتهم عن الواقعه ..
بس دايما بتلاقى الظابط لم يثبت اى حاجه غير كلامه هو وبس ده دليل على ان اقواله مرسله،
ومن هنا ندفع ببطلان المحضر لانه لم يشتمل على مانصت عليه الماده 31 اجراءات جنائيه.
كذلك بعد ماتبدى دفاعك طبعا هتطلب من المحكمه وتلتمس منها البراءه لموكلك مما هو منسوب اليه.
مؤسسة حورس للمحاماه 01129230200

اترك تعليقا