مؤسسة حورس للمحاماة زواج وطلاق الاجانب, تأسيس الشركات في مصر, إنهاء مشاكل الاقامه للاجانب في مصر, توثيق عقود زواج عرفي , قضايا محكمة الاسره , تأسيس الشركات , توثيق عقود زواج وطلاق الاجانب , توثيق عقود زواج عرفي , تقنين اقامات الاجانب , القضاء الاداري , القضاء المدني

متي يقع الطــــــلاق شرعا وقانونا

0 56

متي يقع الطــــــلاق شرعا وقانونا

– يشترط في الـــــزوج أن يكون بالغا عاقلا مختارا غير مكره على الطلاق واعيا لما يقول,
فإذا توافرت هذه الشروط فالزوج إيقاع الطلاق بنفسه كما له أن ينيب غيره في إيقاعه
أما إذا فقد شرط مما سبق فلا يصح طلاق الزوج, إلا أن هناك أمور يتعين الإشارة إليها
كالأتي:
طـــــلاق_من_صبي:
الصبي ولو مميزا لا يقع طلاقه لقوله صلى الله عليه وسلم”كل طلاق جائز إلا طلاق
الصبي والمجنون”
طـــــلاق_المجنـــون
لا يقع طلاق المجنون للحديث السابق, وذلك لأن العقل هو مناط التكليف
وغير غير موجود لدى المجنون, ويلحق به المعتوه وهو الشخص الذي يكون مختلط
الكلام فاسد التدبير, ويلحق بالمجنون كذلك النائم والمغمى عليه والمدهوش
وهو الذي اعترته حالة انفعال فلا يدري معها ما يقول وما يفعل.
طـــــلاق الغضبــــــان
وهو ما اعترته حالة انفعال أخرجته من وعيه والغضب درجات متفاوتة, والدرجة
التي يعتد بها في عدم_إيقاع_الطلاق هي الحالة التي يبلغ فيها الشخص درجة لا
يدري معها ما يقول وما يفعل بحث لو ذكر بذلك لم يذكر أو يصل فيها لحالة من الخلل
والاضطراب, فلا يقع طلاقه لكونه مسلوب الإرادة والإدراك

الطلاق بحكم محكمه

الطلاق عن طريق المحكمة أنواع كل نوع له طبيعة وأسباب وآثار مختلفة :
1- الخلع : وهو النوع الأشهر بين الزوجات لسهولته ولأنه مضمون ومش محتاج أسباب وبيكون طلاق بائن والحكم فيه نهائى وبيترتب عليه حرمان المطلقة من “العدة ، المتعة ، المؤخر” .
2- طلاق لعدم الإنفاق : وده نوع محدش بيلجأ ليه لإنه بياخد وقت وبيحتاج إثبات إنه مش بينفق وتحذير من القاضى للزوج وفى الآخر كمان بيكون طلاق رجعى يعنى الزوج يقدر يراجع المطلقة تانى يوم الحكم عشان كده محدش بيلجأ ليه لإنه فعليا غير ذى جدوى او جدواه بعيدة قوى .
3- الطلاق للضرر : وده النوع الأفضل للزوجة لإنه بيحافظ ليها على كل حقوقها وبيكون طلاق بائن لكن مشكلته إنه مش سهل لإن لازم الزوجة تثبت أمام المحكمة وقوع ضرر قوى عليها يستوجب التفريق وكمان لازم شهود الضرر لو هتثبت بشهود يكونوا شهود عيان يعنى شافوا الضرر ده وهو بيقع على الزوجة سواء مثلا ضرب او سب او خلافه غير انه مش بيبقى حكم نهائى زى الخلع يعنى لسه ليه استئناف وبيطول شوية .
4- الطلاق لإستحكام الخلاف : النوع ده بيجمع بين الخلع فى سهولته وبين طلاق الضرر فى صعوبة استحقاق الزوجة حقوقها وبيكون طلاق بائن وله حالتين فقط فى القانون ملهمش ثالث بس هنخصص له بوست لوحده عشان يبقى بإستفاضة لإن ده بيعتبر أفضل نوع طلاق للزوجة اللى صعب عليها تثبت ضرر للمحكمة .
5- طلاق اللعان : النوع ده هو الأصعب على الإطلاق فى أنواع التفريق بين الزوجين وربنا ما يكتبه على حد أبدا يارب وده بيكون بعد نزاع بين الزوجين على نسب مولود وانكار من جانب الزوج ثم توافر شروط اللعان وتوجيه الزوج لزوجته يمين اللعان واتهامه بالزنا وفى الحالة دى بيتم التفريق بينهم للعان حتى لو مطلبوش الطلاق وبيكون طلاق أبدى مش بس بائن يعنى ميرجعوش لبعض ولا بعقد ومهر جديد ولا حتى بمحلل خلاص خلصت يعنى.
ده كان سرد بسيط وميسر قدر الإمكان عن أشهر أنواع الطلاق اللى ممكن تصدر من المحكمة بين زوجين مش بنوضحها عشان نشجع عليها ولكن عشان اللى خلاص وصلت لمرحلة صعبة من استحالة العشرة تقدر تنقى النوع اللى يناسبها وتطلب من محاميها يرفع النوع اللى يمشى معاها عشان توصل من أقرب الطرق .
مؤسسة حورس للمحاماه 01111295644