استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

لما تيجى تشترى شقة خلي بالك 

0 255

لما تيجى تشترى شقة خلي بالك 

– حاول تروح الشقة مرتين، مرة الصبح ومرة بالليل.
– طول في المعاينة على قد ماتقدر وسيب الباب مفتوح.
(لو الشقة عليها مشاكل..العصفورة هتبلغ انها اتفتحت )
– مافيش بائع هيعرفك بعد ماياخد كل فلوسه.
– لازم تبقى جزء من قيمة الشقة، لو فيه اى حاجه ناقصة.
– الشقة اللى مافيش فيها عداد كهرباء .. ماتاخدهاش.
– التوكيل بالبيع لوحده مش كفاية..لازم عقد بيع.
– مش لازم خالص توقيع شهود على العقد.
– لازم تستلم الشقة فى نفس يوم دفع الفلوس.
#المهم_بقى :
☆ ماتشتريش من وكيل عن صاحب الشقة بتوكيل عام.
☆ صاحب الشقة يعملك توكيل خاص، حتى لو مسافر.
☆ لو البائع فوق ٦٥ سنه، ولاده يوقعوا شهود على العقد.
☆ لو هتشترى من ورثة، لازم كل الورثة يوقعوا على العقد.
☆ لازم التوقيع على كل صفحات العقد.
☆ لازم التوقيع يكون امامك، مافيش توقيع مسبق.
☆ اوعي تسيب اي فراغات فى نسختين العقد.
☆ ممنوع اي تعديل بخط الأيد فى العقد.
☆ الأفضل ان العقد كله يكون مكتوب كمبيوتر.
#لو_هتشترى_بالقسط : اوعي تمضى على إيصالات امانه، أكتب الاقساط فى العقد [ القيمة وميعاد القسط ].
#لااااااااازم : تشوف زوجة المالك حقك جداً .. احسن يكون مطلقها ومعاها قرار تمكين
#حقك_جداً : انك تدخل لجار واتنين فى العماره، وتسألهم عن الشقة المهم تديهم الأمان وفهمهم ان الكلام بينكم سر .. علشان يقولوا الصراحة.
#ضرورى_جداً يكون معاك محامى ثقة، بلاش تستخسر وتوفر اتعاب المحامى .. وجود المحامى هيأمنك ويمنع عنك بلاوى كتير، دور المحامى مهم علشان يتأكد من صحة مستندات الملكية ويتأكد ان الشقة مش عليها اي مشاكل.
مؤسسة حورس للمحاماه   01111295644

 

اترك تعليقا