استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

إزاي المحكمة بتقدر دخل الزوج في دعوى النفقة؟؟

إزاي المحكمة بتقدر دخل الزوج في دعوى النفقة؟؟

0 219

إزاي المحكمة بتقدر دخل الزوج في دعوى النفقة؟؟

أي نفقة أو اجر بيتحكم بيهم، بيتم تقديرهم على (3) اعتبارات اساسية هي:

1ـ دخل الزوج (المنفق) ، وحسب المصطلح الشرعي (ملاءة الزوج أو يسار الزوج)
2ـ حال مستحق النفقة (السن والظروف والمستوى اللي اتعود يعيش فيه)
3ـ العرف في البلد المفروض فيها النفقة

وبالنسبة لتحديد “يسار المنفق” بيتم عن طريق مجموعة من العوامل “زي لعبة البازل” لما بتتجمع مع بعضها بيبقى ممكن نحدد دخل المنفق.

إيه هي العوامل دي؟؟
العامل المادي:
1ـ لازم تدور على أي عقارات بيملكها المنفق (شقق أو محلات او أرض أو عمارة …إلخ) لأن إمتلاك العقارات دي بيعتبر قرينة على “اليسار”
2ـ ونفس الحاجة بالنسبة للسيارات أو إذا كان ليه أسهم في شركة أو أسهم في البورصة
3ـ الأجر اللي بياخده المنفق (المرتب) ، بس حاول تستعلم عن مجموع الأجر السنوي (عشان بيان المفردات يكون شامل المكافآت السنوية)
4ـ أي إيراد تاني بيظهر خلال الدعوى (مثلا إذا كان ليه وظيفة تانية أو داخل في شركة من الباطن … إلخ)
العامل الإجتماعي:
وده بيتحدد حسب حالة المنفق، فمثلاً لو عنده زوجة تانية، او ملتزم بحد من أقاربه الملتزم بإعالتهم شرعاً، وكمان عدد الأولاد .
وفي الحالة دي ، العامل الإجتماعي بيأثر بالسلب على قيمة النفقة المحكوم بها
وكمان “وظيفة الزوج” بتدخل ضمن “العامل الإجتماعي” لان بعض الوظايف بتحتاج “لبس معين أو مظهر معين” وده بيكلف المنفق تكاليف أكتر من الشخص العادي (مثلاً: موظف خدمة العملاء البنك بيصرف على مظهره أكتر من موظف في قسم الأرشيف)

وبحسب العوامل دي، بيصدر القاضي حكمه بتقدير النفقة، وإذا كان حكمه مخالف مخالفة واضحة للنتيجة الظاهرة من العناصر دي، بيكون حكمه فيه عيب “القصور في تحصيل واقع الدعوى” وممكن الطعن فيه للسبب ده.

محكمة النقض حكمت:
“لمحكمة الموضوع سلطة تقدير النفقة من واقع الأدلة ـ ومنها المستندات المقدمة في الدعوى ـ وحسبها أن تبين الحقيقة التي اقتنعت بها وأن تقيم قضائها على أسباب سائغة تكفي لحمله”
(طعن أحوال شخصية رقم 822 لسنة 72ق ـ جلسة 21/3/2005)

كيف يتم تحديد النفقة الشهرية للزوجة…؟

ازاي الزوجة تقدر تحصل على نفقتها باسهل وسيلة ….
نفقة الزوجة الشهرية
فى البداية لازم نفرق بين نفقة الزوجة وبين نفقة الاطفال وفى معلومة انهاردة هتقتصر على نفقة الزوجة وهنتكلم عن نفقة الاطفال فى بوست تانى…..وبالنسبة لنفقة الزوجة بيتم تحديدها حسب نوع وطبيعة عمل الزوج والقانون قسم الازواج على ثلاث فئات
الفئة الاولى الزوج الفقير والفئة الثانية الزوج متوسط الحال والفئة التالتة الزوج الميسور الحال او الغنى وطبعا بديهى هيختلف مقدار نفقة كل زوج حسب الفئة الخاضع ليها ….
فمثلا لو الزوج عملة حر ومن الصعب تحديد دخل ثابت لية ببتم عمل تحريات عن طريق شيخ الحارة الى بناء عليها بيتم تحديد قيمة النفقة أما لو كان الزوج موظف بيتم تحديد دخلة عن طريق مفرداد مرتبة بشكل اجمالى ومفصل ….
بعد تحديد دخل الزوج واملاكه ومدى يسارة بيتم تحديد قيمة النفقة .
س : مالحل فى حالة عدم قدرة الزوجة تحديد دخل الزوج؟
ج: بيتم احالة الدعوى للتحقيق واحضار شهود يسار وبعدها بيتم تحديد الدخل بناء على اقوال الشهود.
وطبعا بيتم حساب النفقة من تاريخ اللجوء لمكتب تسوية المنازعات وهنا بيتم صدور حكم للزوجة بنفقة شهرية بخلاف متجمد النفقة ……

اترك تعليقا