التخلف عن دفع النفقة الزوجية

2-حكم النفقة من أقارب أو أجرة حضانة أو نفقة صغار أو رضاعة أو مسكن حكم واجب النفاذ.

3- إذا إمتنع من صدر بحقه حكم النفقة عن التنفيذ دون سبب 3 أشهر يعاقب بالحبس مدة لا تزيد على سنة وبغرامة لا تتجاوز خمسمائة جنيه .

4-تشمل النفقات (الغذاء والمسكن و الكسوة و مصاريف العلاج بالإضافة لكافة المصاريف الأخرى).

5-يتم التحقيق فى قضايا النفقة لتثبت الزوجة بشهادة الشهود عدم الإنفاق وتطالب بالتحرى من قبل المحكمة.

6-شروط دعوي الحبس، أن يكون الحكم بشأن النفقات كنفقة الزوجية أو العدة أو نفقة الصغير أو الأقارب.

7- يكون الحكم الصادر نهائيا وانتهت مواعيد استئنافه.

8-للزوجة أن تثبت امتناع زوجها عن الإنفاق بجميع طرق الإثبات ومنها التحريات الإدارية..

#طريقه_تحديد_مقدار_النفقه
#نفقه_الاطفال_ونفقه_الزوجيه

في فتره الخلافات الزوجيه الزوج بيحاول يهرب من التزامه الطبيعي بالانفاق علي اطفالو والانفاق علي زوجته واحنا انهارده هنقولك يصديقتي ازاي تتصرفي اما الزوج يحاول يمتنع عن الانفاق؟ وكمان مقدار النفقه الشهريه الي المفروص هتاخديها ؟وامتي يتحكم ليكي بينفقه كويسه جدا؟ وامتي هتكون قليله ؟وايه هيا النفقات الي المفروض تطالبي بيها وهل فعلا الزوج ممكن يقول انا مليش مصدر دخل ومش هصرف عليكم ؟وايه هيا اجراءات الحصول علي النفقه بجد الموضوع دا مهم ركزي معايا

النفقه

النفقه دي انواع كتير في القانون يعني مثلا فيه حاجه اسمها نفقه زوجيه وفيه حاجه اسمها نفقه اطفال وكمان بدل فرش وغطاء وكسوه ومصاريف علاج ومصاريف تعليم واجر مسكن

وبعد معرفتي ايه هيا النفقات لازم تعرفي تطالبي بيها ازاي عشان الزوج ميضحكش عليكي او يلعب باعصابك لانك اكيد مش ناقصه كفايه الي انتي فيه

في الاول لازم تكوني عارفه جوزك شغال ايه وايه مصدر دخلو عشان المحامي يقدر يساعدك بشكل كويس وهوا بيكتب موضوع قضيتك كمان لازم تعرفي متوسط دخله الشهري الي بناء عليه هيتم تحدد نفقتك ونفقه اطفالك وكمان لو بيمتلك شقق او عقارات او اراضي وهل فيه عمل خاص بيه او اموال في البنوك وبعد متعرفي الكلام دا

هتطلبي رفع دعاوي نفقات الي وضحناها 

نيجي بقا للسؤال المهم ازاي هاخد النفقه دي وايه هوا مقدارها ؟

عشان تاخدي نفقه لازم ترفعي بيها دعوي قضائيه ومقدارها دا بيختلف من اسره واسره ومن حاله وحاله وعشان كدا بنأكد عليكي متسمعيش كلام الي يقولك مش هطولي حاجه منه والمحاكم مش بتجيب حقوق والكلام دا لانو ببساطه دا موقف سلبي ومدام مش بيدفع الزوج مفيش قدامك الا الطريق دا عشان تقدري تاخدي نفقه

ولو كان زوجك دخلو الشهري كويس هيتم تحديد نفقه كويسه جدا لحضرتك ولطفالك اما لو كان ملهوش دخل ثابت او دخلو ضعيف هتاخدي نفقه بردو بس اكيد مش هتكون زي زوجه جوزها دخلو كويس

طب تعملي ايه بقا اما يتحكملك بالنفقه وبردو الزوج ممتنع عن دفعها ؟

في الاول اوضح لحضرتك معلومه مهمه ان دين النفقه دا مفيش مفر منه يعني الزوج هيدفع يعني هيدفع وحتي ولو اتحبس هيضر يدفع لانو دين مفهوش مفر لازم يدفع حتي ولو اتحبس بعكس انواع ديون تانيه

وببساطه كدا لو امتنع عن الدفع بنك ناصر هيدكي نفقه لغايه 500 جنيه والباقي بقا ترفعي بيه حاجه اسمها متجمد ودي لو مدفعهاش هيتحبس علي الباقي دا غير انو البنك هيحبسو بردو لو مدفعش

طيب الزوجه لازم تاخد من البنك

لا لو الزوج موظف وليه دخل ثابت ممكن الزوجه تاخد عن طريق الحجز علي مرتبه وهتاخد كل النفقه المحكوم بيها

سؤال مهم بقا امتي الزوج ممكن ميدفعش نفقه ؟؟

الكلام دا في احلامو بس القانون اجبر الزوج بالانفاق علي اطفالو وزوجته ودا موضوع مفروغ منه فسيبك من تهديدات الزوج الي تقولك مش هتاخدي مني حاجه

ملحوظه

احنا بنوعي حضرتك بس دا دورنا مش قصدنا انم تروحي تحبسي جوزك لاننا الناس ببتهمنا اتهمات باطله
احنا بنقولك الطريق في حاله الامتناع وبنقول للرجاله اتقي الله في اطفالك انت مش بتلعب بأعصاب زوجتك بس انت بتحرم اطفالك من مصاريفهم ودا ذنب كبير انفق علي اطفالك بالحسني وبلاش تحاول تهرب من دورك الطبيعي لانك لو عملت كدا اكيد هتتحبس لو متدفعتش

حورس للمحاماه                01111295644