شروط التمكين من مسكن الزوجيه؟

اولا: يجب ان تكون العلاقه_الزوجيه قائمه
ثانيا :يجب ان تكون الزوجه حاضنه إذا كانت العلاقة الزوجية قائمة , فإن النيابة العامة في هذه الحالة لها حق استصدار قرار وقتي في الخلاف بين الزوجين علي مسكن الزوجية فلها مثلا أن تأمر باستمرار حيازتهما معا للعين محل النزاع
, واذا كان الزوج هو الذي طرد زوجته من مسكن الزوجية ومنع استمرار حيازتها للعين فإن للنيابة العامه الحق فى اصدار قرار بتمكين الزوجة من استمرار حيازتها للعين مع زوجها المشكو في حقه
وهذا القرار يجوز التظلم منه أمام قاضي الأمور المستعجلة بدعوي ترفع بالاجراءات المعتادة خلال خمسة عشر يوما من تاريخ الاعلان بالقرار .
**قولولنا ايه المشاكل اللى عايزينا نتكلم عنها وطريقة حلها بالقانون

التمكين من مسكن الزوجيه

يحق للمتزوجة رفع دعوى تطالب فيها بالتمكين من مسكن الزوجية، مشيرا إلى أنه بوقوع الطلاق سيتاح للمطلقة أن تتمكن من منزل الزوجية باعتباره أصبح مسكن حضانة حتى انتهاء مدة العدة فقط، أما إذا هيأ المطلق مسكنا آخر مناسبا فسيكون من حقه أن يستقل بالمسكن، ويكون ذلك بدعوى أمام محكمة الأسرة.

وان هناك 8 خطوات لتمكين الزوجة من مسكن الزوجية، وهى:

أولا : تحرير محضر بقسم الشرطة بطلب التمكين من الشقة.

ثانيا: أن تقدم ضمن المحضر قسيمة الزواج، أو شهادة الطلاق.

ثالثا: تقديم شهادات ميلاد الأولاد الصغار.

رابعا: المعتاد أن تحفظ النيابة المحضر إداريا.

خامسا: ردا على حفظ النيابة تقدم المتضررة تظلما على قرار حفظ المحضر.

سادسا: النيابة تأمر بعمل التحريات من قبل المباحث.

سابعا: إذا أثبتت التحريات أن الشاكية كانت تقيم في الشقة موضوع الشكوى هي وصغارها يصدر قرار بتمكينها من مسكن الزوجية، بالمشاركة مع الزوج، وإذا كانت مطلقة يصدر قرار التمكين لها فقط.

ثامنا: مدة التمكين تكون من شهر ونص لثلاثة شهور حتى صدور قرار نهائي من المحكمة.

دى بالنسبة للاجراءات المتابعة

في البدايه لو حضرتك مازالتي زوجة او حاضنه وعندك اطفال فالشقه من حقك ايا كان وضعها سواء كانت باسم الزوج او ايجار او باسم والده او اخوه بمعني ايا كان وضعها فالشقه من حقك مادامت هي شقة الزوجية

طبعا فيه اكتر من سؤال علي بالك دلوقتي وبنتسألو كتير

س / هل الشقه هاخدها لوحدي ولا مع الزوج ؟؟

ج / احنا هنا هنفرق بين حالتين

الحاله الاولي

ان العلاقه الزوجيه مازالت قائمه يعني انتي لسا علي ذمه زوجك في الحاله دي هيصدر لحضرتك قرار بتمكين الشقه مشاركه يعني انتي وجوزك هتتمكنوا سوا من الشقه

الحاله الثانيه

ان العلاقه الزوجيه انتهت بالطلاق في الحاله دي هتتمكيني لوحدك من الشقه بدون الزوج يعني هتاخدي الشقه انتي واطفالك فقط والزوج يتصرف لنفسه في مكان يعيش فيه

س / ولو طالبه الطلاق خلعا هاخد الشقه برضو ؟؟
ج / طبعا حضرتك هتاخدي الشقه ولو كنتي رافعه خلع او اتحكم لحضرتك بالخلع لان الشقه ملهاش علاقه بالخلع الشقه دي انتي بتاخديها عشان انتي حاضنه وعندك اطفال

وس / بالنسبه للمنقولات هل هيا كمان من حقي ؟؟
سواء معاكي قايمه ولا لا فالشقه هتتمكني منها بالمنقولات الي فيها لان لازم الزوج يجهز شقه لزوجته واطفاله عشان يقيمو فيه ولازم يكون مجهز بكل المنقولات اللازمه للمعيشه

س / والسؤال المهم بقا هل الشقه دي هاخدها علي طول ومش هطلع منها تاني ؟؟

ج / لا طبعا انتي بتاخدي الشقه لانك حاضنه فلو انتهت حضانه الاطفال الشقه هترجع للزوج عادي وسن الحضانه في القانون 15 سنه
س / طب نفرض الزوج باع الشقه ودي حيله بيلجاء اليها كتير من الرجاله عشان يتحايلو علي القانون والزوجه متاخدش الشقه أعمل إيه ؟؟

ج / لو حضرتك اخدتي قرار تمكين علي الشقه والزوج اتحايل علي القانون حضرتك بتثبتي دا وبتاخدي الشقه

طب يعني ايه اجر مسكن ؟؟
باختصار شديد جدا القانون اعطي لحضرتك حريه الاختيار مابين انك تاخدي شقه الزوجيه الي حضرتك اتجوزتي فيها وبين اجر المسكن واجر المسكن دا القاضي هيحكم لحضرتك بمبلغ نقدي تأجري بيه شقه في اي مكان والموضوع بيرجع لاختيار الزوجه.

مؤسسة حورس للمحاماه والاستشارات القانونيه

                       للتواصل  

من داخل مصر                 01129230200

من خارج مصر             00201129230200