الفرق بين التطليق خلعا والتطليق لاى سبب اخر

بكل مبسط

الاتنين بيتعمل لهم تسوية زى بعض وبتقعد ١٥ يوم
بتترفع الجلسة بيتحدد لهم جلسة
فى الجلسة الاولى اذا لم يحضر الزوج او محاميه بتتأجل لاعادة الاعلان والصلح
بس فى الخلع بنزيد عليهم اعلان بتسمية حكم وانذار رد مقدم الصداق اذا لم يكن تم فى الاول وبتتنازل عن حقوقها الشرعية فى الجلسة دة او التانية

الجلسة التانية
الخلع بتتحجز للحكم باحالته للمحكمين وتحديد امانة بتدفعها الزوجة
الطلاق بتتحجز للحكم لاحالتها للتحقيق

الجلسة التالتة
بتتحجز للحكم ويتحكم فيهم

ليه بقى بنقول الطلاق اطول دة لان الطلاق بيتم الطعن عليه فى الاستئناف لكن الخلع لا يجوز الطعن عليه وحالات كتير المطلق لا يستأنف

طيب ايه اللى بنسمعه الدعوى دة بتقعد وقت
دة حالات فردية بتطول ليه
ممكن فى الطلاق والخلع ايضا
الاعلانات مابتعلن فتاجل للاعلان
وممكن القاضى مايجى فتتاجل ادارى
فيزداد عدد الجلسات

ممكن فى الطلاق نتاخر بالشهود فتاجل للشهود وممكن الشهود يكونوا اخوات
وممكن فى الخلع كمان يطعن بصورية مقدم المهر فتتحال للتحقيق ويبقى فيه شهود

يعنى كل زوجة وظروفها وحظها مايفرق طلاق عن خلع
الا فى الطعن بالاستئناف

ايه اللى بتتنازلى عنه فى دعوى الخلع
١) رد مقدم الصداق اللى مكتوب فى قسيمة الزواج
٢) التنازل عن الحقوق الشرعية وهى نفقة العدة ( ٣ شهور ) ونفقة المتعة ( على الاقل ٢٤ شهر ) والمؤخر
٣) بعض القضاة بقى اتجاههم رفض دعوى اجر الحضانة للمطلقة خلعا او على الابراء
٤) صدرت احكام بان تنازلها يسرى على متجمد النفقة الزوجية لمن لها متجمد لم تتحصل عليه اثناء الزواج
و٣و٤ بنحاول ننادى بتعدلهم لان اجر الحضانة دة من حقوق الصغير ومتجمد النفقة دة اصبح دين عليه نظير فترة احتباسه لها

عشان كدة لما بتجى لى زوجة بسألها سؤالين
١) مستعجلة عشان تاخدى معاش والدك او والدتك ؟
٢) مستعجلة عشان هتتجوزى ؟
لو الاجابة ( نعم ) برفع لها دعوى خلع
لو الاجابة ( لا ) يبقى برفع لها دعوى طلاق

اصل ليه تخسرى كل دة وتدفعى امانة محكمين كمان حتى لو هياخد وقت مانتى كدة كدة قاعدة وراكى ايه طالما اجابة السؤالين ب لا فكرى فى اولادك وانه هيروح يتجوز وتحتاسى بهم خدى حقك اللى هتصرفى به عليهم لغاية ماتاخدى حقوقهم فى المحاكم
ولو ان فيه ذكور رجالة عارفين وجباتهم واللى عليهم وعارفين دينهم كويس فكل الاديان السماوية وصت على المرأة وحقوقها لكن الانسان هو اللى غير وفهم وفسر خطأ

مؤسسة حورس للمحاماه                              01129230200