استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

الخلع من اسهل واقصر الطرق للطلاق يعني ايه خلع وايه هي إجراءاته ؟؟

96

الخلع من اسهل واقصر الطرق للطلاق يعني ايه خلع وايه هي إجراءاته ؟؟

وهل فيه طريقه نقدر بيها نخلص القضيه في وقت قصير ؟

الخلع معناه انك عاوزه تطلقي والزوج رافض فابتفتدي نفسك وتردي له المهر وتتنازلي عن حقوق معينه في نظير الطلاق والقاضي بيطلقك طلقة بائنه يعني ميقدرش الزوج يرجعك إلا بعقد جديد
س : هل الخلع له سبب ؟
ج : لا انتي مش محتاجه سبب للخلع ولا محتاجه انك تثبتي ضرر

س : طيب ايه الحقوق اللي هتنازل عنها ؟
ج : بتردي للزوج المهر وبتتنازلي عن المؤخر المكتوب في قسيمة الزواج والمتعه ونفقة العدة

س : هل فيه حاجه مش بتنازل عنها ؟
ج : ايوه مش بتتنازلي عن القايمه ولا حقوق الأولاد

س : هل فيه حاجه تسرع إجراءات الخلع ؟
ج : لو حضرتك معندكيش اطفال هيكون وقت قضيتك اسرع من الي عندها اطفال ودا راجع لان القانون بيسهل اجراءات الزوجه الي معندهاش اطفال فمثلا بيكون عرض الصلح عليها بيكون مرة واحدة بس عكس الزوجه الي عندها اطفال لازم يكون عرض الصلح علي مرتين
وكمان لو مقدم الصداق حضرتك رجعتيه للزوج في اول جلسه وكمان حضرتي الجلسه الأولي وتنازلتي عن كل حقوقك هيكون اسرع من لو انك اجلتي الحاجات دي لوقت تاني الجلسه التانيه او التالته …..

الخلع والرد علي كافة التساؤلات الخاصه به

الخلع اكتر دعوي مشهوره في المنازعات الاسريه وتقريبا كل الستات تعرف الخلع بس يعني ايه خلع ؟ ولو تعرفي الاجابه عن السؤال دا ؟ هنسالك ايه علاقه الخلع بنفقه الاطفال هتاثر عليها ولا لا ؟ وعلاقه الخلع بمسكن الزوجيه هل بعد الخلع من حق الزوجه ولا لا ؟ وايه موقف القايمه ونفقه المتعه مع الخلع ؟ وايه الافضل الخلع ولا الطلاق للضرر ؟ والاسئله كتير وهنجاوب عن اغلبيه الاسئله الي تخص الخلع ركزي معايا يصديقتي

هنعرف سوا يعني ايه خلع ؟

في البدايه الخلع دا زوجه محتاجه تنفصل والزوج رافض فبترفع قضيه عشان تطلق بس هل القضيه دي مضمونه ولا ممكن الزوجه تخسرها ؟

طبعا الخلع بيعتبر من المواضيع المشهور عنها انها مضمونه نوعا ما بعكس الطلاق للضرر الي فيه احتمال المكسب والخساره ٥٠٪ حسب اسبابك وسندك لطلب الطلاق

هل دا معناه ان الخلع افضل من الطلاق للضرر ؟

طبعا احنا مقولناش كدا سواء خلع او طلاق للضرر الاتنين طريق للطلاق بس الي بيميز الخلع انه وسيله اسرع واضمن ومش محتاجه اي اثبات الزوجه بعكس الطلاق للضرر الي الزوجه بتحتاج فيه اثبات الضرر باي نوع من انواع الاثبات بس الطلاق بالرغم انه وقته اطول الا ان الحقوق الماديه المترتبه عليه اكبر ففي الطلاق للضرر الزوجه بتحتفظ بحقوقها كلها

هل للخلع علاقه بمسكن الزوجيه ؟

الزوجه لو حاضنه هتتمكن من مسكن الزوجيه علي الرغم انها رافعه خلع او اتخلعت لانو الخلع ملهوش علاقه بمسكن الزوجيه

بس هل ليه علاقه بنفقه الزوجه او نفقه الاطفال ؟

طبعا الزوجه بعد الخلع بتقف نفقتها لانها مطلقه من الزوج فطبيعي ملهاش نفقه اما نفقه الاطفال ملهاش اي علاقه سواء فيه خلع او لا دا حق ليهم ثابت في ذمه الاب

هل للخلع استثناف ممكن يأخر القضيه ؟

الخلع من المميزات الي فيه انه سريع وكمان مفهوش استئناف ودا شئ بيجعل تنفيذ الحكم بشكل اسرع ويمكن دت الي بيخلي ستات كتير تلجاء للخلع لانه يعتبر اسرع وسيله للطلاق

قايمه المنقولات تستحق للزوجه مع الخلع؟

طبعا وسواء فيه خلع او لا فالمنقولات ملك للزوجه وتستحقها اي وقت هيا تطالب بيها

هل مع الخلع الزوجه بتخسر كل حقوقها؟

بتتنازل فقط عن نفقة العده والمتعه والمؤخر

الفرق بين الخلع والطلاق للضرر

ان في الخلع تقوم الزوجة برد المهر وتتنازل عن المؤخر و المتعة والعدة ، كما أن الحكم في الخلع نهائي
اما في الطلاق للضرر الزوجه لا تتنازل عن حقوقها المالية ومن حقها المطالبة بهم ، ويجوز إستئناف الحكم
أما قائمة المنقولات الزوجيه لا يتم التنازل عنها سواء فى الخلع أو الطلاق

تقدر المتعه بسنتين على الأقل دون وجود حد اقصى
اما العدة فتقدر ب ٣ حيضات علي الأقل
وتحسب العده والمتعه على أساس نفقة الزوجه الشهرية

النفقه بأنواعها الثلاثه تشمل ( مأكل وملبس ومسكن )أما بنوعيها تشمل ( مأكل والملبس ) و تقدر النفقة حسب دخل الزوج

احكام النفقات والاجور ومافى حكمها واجبة النفاذ بموجب حكم اول درجه

الحكم الصادر بالرؤيه واجب النفاذ بموجب حكم اول درجه

سن الحضانه للولد أو البنت ١٥ سنه

نفقة البنت على أبيها حتى تتزوج ونفقة الولد حتى يستطيع العمل

نفقه الزوجيه او الصغير او المدارس أو العلاج وكل الأجور من حقك ترفعي بيهم دعوى حبس علي الزوج للمطالبة بيهم
إنما مؤخر الصداق والمتعه مينفعش ترفعي بيهم دعوى حبس للمطالبه بيه

في حالة طرد الزوجة من مسكن الزوجية وكانت العلاقه الزوجيه قائمه فيحق لها أن تطلب التمكين من المنزل ويصدر قرار التمكين بالمشاركه ، ويعدل بعد الطلاق ليصبح لها منفردة
ويصدر قرار التمكين حتي لو كان المسكن إيجار

يحق للزوج بعد بلوغ الصغير سن الحضانه أن يقيم دعوى استرداد مسكن الزوجيه

يحق للأب إقامة دعوي رؤية لابناؤه
وفي حالة عدم تنفيذ الأم حكم الرؤية يجوز له إقامة دعوي إسقاط حضانه أو تعويض
وفي حالة عدم تنفيذ الأب حكم الرؤية يجوز للأم إقامة دعوي تعويض ضد الأب

 

معلومات_عن_محكمة_الأسرة
.
1 – محكمة الاسرة مش مع الزوجة ولا ضد الزوج
.
2 – الخلع مش معناه ان الزوجة تتنازل عن كل شئ التنازل عن نفقة العدة والمتعة والمؤخر واي نفقة قديمة فقط
.
3- الخلع او الطلاق لايشمل التنازل عن المنقولات الزوجية قائمة المنقولات شئ مستقل كايصال الامانة
.
4-حقوق الاولاد مالهاش علاقة بالطرفين لايجوز التنازل عنها
.
5 – رؤية الصغار للاسف مرة اسبوعيا اقل مدة 3 ساعات اواكثرها 10 ساعات لانها محددة من الساعة 9ص الي 7 م بقرار وزير العدل وليس بقانون
.
6 – الخلع هي الدعوي الوحيدة التي ليس لها استئناف غير كده كل دعوة لها استئناف وليس هناك نقض في قانون الاسرة
.
7- هناك مرحلة تمهيدبة قبل رفع دعوة الاسرة وهي مرحلة اجبارية اسمها مرحلة التسوية ويقيد الطلب في مكتب تسوية المنازعات الاسرية المرجود في كل محكمة اسرة ومدة الفترة ده اسبوعين وتشكيل المكتب من اخصائي قانوني واجتماعي ونفسي بيساعدوا في حل النزاع وديا ومجموعة من الاداريين
.
8- طريق تنفيذ حكم النفقة اما عن طريق محضر التنفيذ او عن طريق العمل او بنك ناصر او دعوي حبس متجمد نفقة وكل طريقة ولها اساليبها
.
9- حقوق الزوجة المطلقة النفقة المتجمدة والمؤخر ونفقة العدة والمتعة وقائمة المقولات وبالتاكيد نفقات الصغار
.
10- حضانة النساء للصغار حتي سن 15 عام للولد والبنت ثم يخير الصغير بعد ذلك وللزوجة ان تطلب اجر حضانة طوال فترة الحضانة ولكن في حالة اختيار الاولاد بعد سن ال 15 المكوث مع والزوجة بيبقي بدون اجر حضانة .

مؤسسة حورس للمحاماه 01111295644

مؤسسة حورس للمحاماه والاستشارات القانونيه

للتواصل عبر الهاتف واتس آب وفايبر

   من خارج مصر                00201129230200

   من داخل مصر                 01129230200