استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

النفقة في القانون المصري

194

النفقة في القانون المصري

– اولا حال قيام العلاقة الزوجية:
تجب على الزوج نفقة زوجته من لحظة كتابة عقد الزواج والدخول بالزوجة فعلا أو حكما وسواء كانت زوجته ميسورة الحال أو فقيرة وسواء كانت مسلمه أو كتابية .
والنفقة حق للزوجه على زوجها مقابل حقه عليها بالاحتباس ولا تسقط نفقة الزوجه ابدا إلا في حالات وردت على سبيل الحصر في القانون

– حالات سقوط النفقة
اولا: الارتداد
ثانيا: إذا منعت الزوجه نفسها عن زوجها لسبب يرجع إليها
ثالثا: إذا خرجت بدون اذن زوجها إلا لضرورة يبيحها الشرع أو القانون
وتقدر النفقة بحسب حالة الزوج المادية يسارا واعسارا وتحديد قيمتها أمر متروك لقاضي الموضوع

– ودين النفقة دين ممتاز واجب السداد ومقدم عن باقي الديون
وتستطيع الزوجه طلب الطلاق حالة امتناع الزوج عن الانفاق عليها
ولا يجوز طلب النفقة عن مده تزيد عن سنه من وقت التوقف عن الدفع وحتى رفع الدعوى
وللقاضي في خلال اسبوعين الحكم بنفقة مؤقته بحكم غير مسبب وحتى الحكم في اصل الدعوى

– ثانيا : النفقة بعد الانفصال:
1- الانفصال بالطلاق
تجب للمرأه المطلقة نفقة عدة تقدر بثلاثة أشهر ونفقة متعه تقدر بسنتين على الأقل
* ولا تسمع دعوى النفقة بعد سنه من تاريخ الطلاق أو العلم بواقعه الطلاق.
2- الانفصال بالخلع:
المرأه المنفصلة خلعا فلا يحق لها نفقة

#الحبس_فى_النفقه

كتير بيصدر ضده حكم بالحبس نظير متجمد النفقه وممكن يكون عارف بالقضيه أو ممكن يتفاجىء بالحكم وطبعا كلنا عارفين ان أحكام الحبس نهائيه ولا يجوز الطعن عليها ويبقى السؤال ازاى أخلص من الحكم ده وطبعا هنا بتظهر كمية الفتى الكتير والاختراعات إلى ولا ليها اى ثلاثين لازمه ونذكر منها …

١ – اعمل إنذار عرض بسرعه وحطلها الفلوس فى المحكمه ولو فى حد كلمك أو قابلك وريله إنذار العرض

٢ – ابعت بيهم حواله بريديه على عنوانها وخد مايفيد ذلك وكبر دماغك

٣ – اتصل بيها وخد منها أصل الصيغه التنفيذية بتاعت الحكم وخليه تكتب على ظهره تنازل وأنها استلمت المبلغ

٤ – استنى لما تروح القسم وتسلم الحكم هناك وادفع فى القسم وخلاص ..

#كل الحلول والطرق دى جميله جدا … وفعلا كده انت دفعت المبلغ إلى عليك #ولكن هل كده الحكم سقط أو اتشال … ؟؟ هل كده الزوجه ماتقدرش تطلب المبلغ تانى .. ؟؟؟

#الاجابه وبكل بساطه لا طبعا .. ؟؟ ايه ….!!! زى ما سمعت لا طبعا لا الحكم اتشال ولا سقط ولا حتى انت تقدر تمنعها من أنها تحصل المبلغ بموجب الحكم ده .. ازاى الكلام ده طيب أومال نعمل ايه … ؟؟؟
#بص ياسيدى … أولا الحكم طالع انك لازم تسدلها المبلغ أو تقدم كفيل هى تقبله والا حتتحبس شهر … وطريقة تنفيذ الحكم ده غالبا بيكون عن طريق قسم الشرطه إلى هو بدوره بيحصل المبلغ لصالحها ويحرر محضر استلام بكده ..

#بمعنى أن لو حضرتك عملت إنذار عرض بالمبلغ بعد الحكم أو حتى دفعت المبلغ فى القسم او حتى هى كتبتلك أنها استلمت المبلغ كل ده مايخليش الحكم يسقط أو يتشال أو يمنعها من تحصيله مره تانيه #لانها وبكل بساطة لو راحت نفذت تبع القسم وحضرتك قولت انك دافع المبلغ ومعاك تنازل او إنذار أنك دافع فى المحكمه القسم حيقول انا مالى انا عاوز المبلغ وانت أبقى ارجع عليها ولو حتى دفعت فى القسم الحكم حيفضل موجود ومش حيتشال .. ؟؟ طيب أومال الحل ايه احنا كده مش فاهمين … ؟؟؟

#بص_ياسيدى الحل بمنتهى البساطة لو حضرتك دفعت المبلغ بأى طريقه من الطرق إلى احنا قولنا عليها قبل كده فوق متقلقش بس حتكمل كمان خطوه بسيطه علشان نثبت أن المبلغ ادفع ونشيل الحكم وإلى هى #انك بعد ماتسدد أو تدفع بأى طريقه حتعمل أشكال فى تنفيذ الحكم أمام نفس القاضى الذى أصدر حكم الحبس وتقدم مايفيد السداد سواء إنذار العرض او الحواله أو التنازل أو صورة من محضر الشرطه وكده الموضوع ينتهى غير كده الحكم مش حيتشاااااال

حقوق المطلقة فى القانون المصرى.
……………………………………..
يعني إيه طلاق للضرر؟
يعني الزوجة الي واقع عليها ضرر مادي او نفسي من الزوج من حقها تطلب الطلاق عن طريق محكمة الأسرة بس لازم يكون عندها أثبات للضرر و غالبا ما بيكون الإثبات بشهادة الشهود. وفي الحالة ده الزوجة بتحتفظ بحقوقها الشرعية والمادية الي احنا هنذكرها وحقوق المطلقة فى القانون المصرى

#مسكن_الزوجية

مسكن الزوجية من حقوق المطلقه للضرر هتاخد مسكن الزوجيه لو كانت حاضنه يعني عندها اولاد في سن الحضانة ١٥ سنة وهيكون معاها الخيار انها تاخذ نفس الشقه اللي مقيمه فيها واستمرت العلاقه الزوجيه فيها وده اسمه التمكين من مسكن الزوجية او ترفع دعوي وتطالب باجر مسكن بس بشرط انها تكون حاضنه وحقوق المطلقة فى القانون المصرى.

#قائمه_المنقولات

هتحافظ المطلقه للضرر علي جميع حقوقها وهتاخد جميع المنقولات الخاصه بيها ولو الزوح امتنع عن اعطائها منقولاتها هيعرض نفسه لعقوبه الحبس حقوق المطلقة فى القانون المصرى.

#نفقه_المتعة

المتعة حق من حقوق المطلقة للضرر المحكمة هتحكم للمطلقه للضرر بنفقه متعه لاتقل عن سنتين ودا الحد الادني في القانون ونفقه المتعه ليس لها حد اقصي التوضيح دا لو الزواج استمر لمده يوم واحد فقط هيكون من حق المطلقه نفقه المتعه لاتقل عن سنتين وحقوق المطلقة فى القانون المصرى.

#نفقه_العدة

حقوق المطلقة فى القانون المصرى.
بخلاف نفقه المتعه للمطلقه للضرر ليها نفقه عده حق المطلقة للضرر وبتعادل فتره العده الخاصه بيها وهي بتكون حوالي 3 شهور

#المؤخر(مؤخر الصداق)
المؤخر طبعاً حق المطلقه للضرر بتاخد مؤخر الصداق المكتوب في قسيمه الزواج
حقوق المطلقة فى القانون المصرى.

#حضانة الاطفال

والاطفال بعد ما الزوجه تطلق للضرر هيستمروا في حضانه امهم لان الحضانه للام بقوه القانون حقوق المطلقة فى القانون المصرى وهيفضل الاطفال مع الام لغايه نهايه سن الحضانه ولها برده أجر حضانة .

#نفقه_الاطفال

هتاخد المطلقه للضرر نفقه شهريه الاطفالها لاتقل عن الحد الادني الازم للمعيشه الاطفال وهتستمر النفقه دي علي الزوج لغايه سن الحضانه الأطفال حقوق المطلقة فى القانون المصرى.

#مصاريف_العلاج_الخاصه_بالاطفال
لو لقدر الله الاطفال احتاجوا الي رعايه صحيه نتيجه مرضهم فان القانون لازم الاب بمصاريف علاجهم فالمطلقه من حقها ان ترفع دعوي تطالب الاب بكافه مصاريف علاج الاطفال و حقوق المطلقة فى القانون المصرى.

#مصاريف_التعليم

وطبعا لان التعليم حق اساسي الاطفال فان القانون بيلزم الاب بمصاريف التعليم ومن حق الام المطلقه اللجوء الي القضاء لاجبار الاب علي دفع مصاريف تعليم الأطفال بعد ماتأخذ ولايه تعليميه للأطفال .

#بدل_كسوه_شتاء_او_صيف ( الملابس الخاصه بالاطفال)
الام المطلقه وطبعا الحاضنه الاطفال فان الاطفال بيحتاجوا كل فتره ملابس سواء في فصل الصيف او الشتاء فان القانون بيلزم الاب انه يجيب ملابس الاطفال فلو امتنع عن ذللك فان من حق المطلقه للضرر انها ترفع دعوي وتجبر الاب انه يدفع الفلوس دي حقوق المطلقة فى القانون المصري

#حقوق المطلقة في الخلع ايه…؟
بيختلف الخلع عن الطلاق للضرر في أن الزوجة مش محتاجه تذكر سبب معين لطلبها الطلاق يعني مش محتاجة أثبات ان في ضرر وقع عليها يكفي ان تذكر أنها تخشي الا تقيم حدود الله في العلاقه الزوجية.
وبتتنازل الزوجة عن نفقة العده والمتعة و مؤخر الصداق وكمان بترد مقدم الصداق المكتوب في العقد والي غالباً بيكون واحد جنيه
بس هو ده الي بتتنازلي عليه من حقوقك في الخلع أما باقي الحقوق المذكوره سابقا بتحتفظ بيها لأنها حقوق الاطفال

ولو عايزين تعرفوا اكتر عن اى حلول قانونية ممكن تتواصلوا معانا من خلال:
مؤسسة حورس للمحاماه والاستشارات القانونية

011292302000