هتعملي ايه لما جوزك يطردك من البيت

هتعملي ايه لما جوزك يطردك من البيت

#هتعملي_ايه_لما_جوزك_يطردك_من_البيت
سؤال ستات كتير اوي بتساله حنشرح انهاردة الموضوع بشكل مبسط
لو حصل لاقدر الله وجوزك طردك من البيت المفروض تعملي اي.؟؟؟؟
اولآ لازم تفهمي ان التمكين من مسكن الزوجيه دة بيكون فحاله الزوجه الحاضنه والزوج طردها من الشقه وعايزة ترجع طيب لو الزوج رفض يرجعها الشقه…….

هتعملي ايه لما جوزك يطردك من البيت

التمكين من مسكن الزوجيه مش حنحتاج فيه الزوج يوافق لان القانون اصلا اعتبرة رافض وبيتنفذ غصب عنه بالقوة الجبريه.
طيب اي هي الإجراءات واعمل اي؟؟؟؟
الموضوع بسيط حضرتك بتروحي لمحامي اللي بدورة بيوجهك لطرقين ياما هيجيب لحضرتك جواب من النيابه بتحرير محضر بحاجه اسمها شكوي للنيابه او هيبعت حضرتك علي طول علي القسم تحرري محضر طرد من مسكن زوجيه والطرقين صح وبعدين بتسيبي رقم المحضر للمحامي بيخلصلك الاجراءات في النيابه ومنها سماع الشهود الي هما الجيران والتحريات وشويه اجراءات كدا المحامي هيعملها وبعدين بيصدر لحضرتك القرار وبيتنفذ بالقوه الجبريه…
بس هنا فيه سؤال مهم هل التمكين دا ليكي لوحدك ؟؟؟؟
لو لسه متطلقتيش يعني العلاقه لسا قائمه هيصدر قرار اسمه تمكين مشاركه يعني انتي والزوج هتتمكنوا من الشقه سوا وهيتعمل محضر عدم تعرض بس لو حضرتك اتطلقتي او كنتي مطلقه هيصدر قرار بتمكينك لوحدك.
****يعني المعيار هنا هل الزواج قائم ولا اتطلقتي حضرتك
طيب دلوقتي في سؤال بيدور ف دماغك (هو انا كدة بمتاك الشقه)؟؟؟
**طبعا لا انتي بتاخدي الشقه عشان حاضنه وبعد مالاطفال يعدو سن الحضانه الشقه هترجع للزوج
طيب مالزوج ممكن يبيع الشقه؟؟؟؟
فعلا لو حضرتك اتاخرتي في اجراءاتك الزوج ممكن يبع الشقه وعشان كدا بننصح ان دي اول حاجه تعمليها لو فيه خلاف قبل مالزوج يتصرف في الشقه لانو لو باع بعد التمكين فهيكون البيع دا صوري وغير حقيقي وهيكون هناك سوء نيه من الزوج ومش هيفرق معاكي وهتاخدي الشقه عادي.
طيب هيا الاجراءات دي بتاخد وقت اد ايه.؟؟؟
طبعا الوقت دا بيختلف من مكان لمكان ومن نيابه لنيابه وملهاش وقت محدد بس في العموم هيا مش بتطول.