استشارات قانونيه مصريه , زواج وطلاق الاجانب, تأسيس الشركات في اسرع وقت واقل تكلفه , القضايا التجاريه ,كتابة توثيق عقود زواج عرفي شرعي , قضايا محكمة الاسره , تأسيس الشركات , تقنين اقامات الاجانب , القضاء الاداري , القضاء المدني , قضايا الجنايات والجنح

نقاط مهمه في دعوي الخلع

نقاط مهمه في دعوي الخلع

0 148
_متصدقيش اي محامي يقولك هجبلك حكم الخلع في شهر ولا اتنين لأن القضيه ليها تسلسل خطوات واجراءات لابد منها
_مفيش قضيه خلع بتتعمل ب500ج ومتفرحيش باللي يقولك مش هنختلف في الاتعاب لازم يبقي فيه اتفاق علي كل الاتعاب
_متقلقيش لو زوجك بعت إنذار بالطاعه اثناء رفعك لقضيه
الخلع لانه مش هياثر علي الخلع ولا ليه اي لزمه
_حقوقك اللي بتتنازلي عنها هي مؤخر الصداق ونفقه المتعه والعده قايمه منقولاتك مش بتخسريها وبترفعي بيها قضيه تبديد
_حضانة الاطفال وكل حقوقهم #التمكين من حقك برضوا
_مفيش حاجه اسمها لو اتخلعتي مش هينفع تتجوزي تاني
_مفيش حاجه اسمها لازم تعلني الزوج بحكم الخلع والصيغه التنفيذية لأن الحكم بيكون نهائي مفهوش #استئناف
_مفيش حاجه اسمها لازم الزوج يحضر ويوافق علي الخلع

تابع – نقاط مهمه في دعوي الخلع

_حضور الزوج او عدم حضوره سواء بنفسه او موكل محامي مش هياثر في الخلع طالما الاعلانات بتتم بشكل قانوني
_لازم رد مقدم الصداق اللي مكتوب في قسيمه الزواج عن طريق ايداعه في حزينه المحكمه وعمل إنذار للزوج أنه يروح يستلمه
_عدد جلسات الخلع في الوضع الطبيعي اربع جلسات او خمس كاحد اقصي منهم جلسه لازم تحضري امام القاضي للاقرار بتنازلك عن حقوقك بالاضافه لحضورك امام الحكمين سواء من الازهر من منطقه الوعظ والإرشاد او اتنين موظفين من المحكمه
_مفيش حاجه اسمها لو الزوج اتمسك بيكي ورفض الخلع القضيه هتترفض كدا كدا هتتخلعي
_مفيش حاجه اسمها لازم يبقي فيها أسباب لابد من اثباتها للقاضي علشان يحكملك بالخلع يكفي فقط اقرارك إنك متنازله عن حقوقك وانك بتبغضي الحياه الزوجيه
_مفيش حاجه اسمها الخلع ملهوش عدة او عدته شهر واحد لاء عدة الخلع ثلاثه شهور بتبدأ من تاريخ النطق بالحكم وليس من تاريخ استلام الحكم او تسجيله في الاحوال المدنية

_الطلاق خلعا طلاق بائن بينونه صغري يعني بيتحسب طلقه واحده ولا يجوز للزوج ارجاع زوجته إلا بموافقتها وبعقد ومهر جديدينأحوال شخصية

الخلع.

الخلع والطلاق والفرق بينهم وفقا لاخر تعديلات القانون المصري
الخلع والطلاق والفرق بينهم وفقا لاخر تعديلات القانون المصري

تابع – نقاط مهمه في دعوي الخلع

كل تفاصيل قضيه الخلع

في دعوي الخلع مش لازم يكون فيه أسباب تقتنع بيها المحكمه للحصول علي حكم الخلع فيكفي ان تقر الزوجه امام القاضي بأنها (تبغض الحياة الزوجيه وتخشي الا تقيم حدود الله )وانها (بتتنازل عن حقوقها الشرعيه اللي هي مؤخر الصداق ونفقه المتعه والعده)

بتحتفظ الزوجه بقائمة المنقولات بالاضافه لحضانه الاطفال وكل حقوقهم من تمكين ونفقات

مدة تداول قضيه الخلع في المحكمه الطبيعي من ثلاثه شهور لخمسه كاحد اقصي الحكم في الخلع نهائيّ مفهوش استئناف

لايؤثر حضور الزوج من عدمه في القضيه

لو الزوج عمل إنذار بالطاعه اثناء قضيه الخلع ملهوش لزمه ولا يؤثر في الدعوي

خطوات الخلع

اول حاجه بيتم عمل تسويه وبعد 15 يوم بيتم رفع الدعوي وبيتحدد اول جلسه للخلع

اول جلسه لو الزوج مش بيحضر او موكل محامي عنه بيتم التأجيل لاعاده الاعلان وعرض الصلح وعرض مقدم الصداق وحضور المدعيه بشخصها وتسميه حكمين
وبيتم تحديد معاد لحضور الزوجه امام خبير نفسي واجتماعي بياخدوا كلمتين ويكتبوا اي اسباب (حاجه روتينيه)

تاني جلسه لو فيه اطفال القاضي بياجلها لعرض الصلح للمرة التانيه ولو مفيش بيدي حكم تمهيدي بندب حكمين من الازهر او اتنين موظفين من المحكمه وبيتم تقدير امانه حكمين وايضا تحديد جلسه لتقرير الحكمين

تابع – نقاط مهمه في دعوي الخلع

وبعد دفع امانه الحكمين بيتم تحديد معاد معاهم والزوجه بتحضر والحكمين بيكون دورهم النصح والارشاد ومحاوله الاصلاح فاذا اتضح لهم لا سبيل للاصلاح وانه يوجد اسباب لاستحاله العشره بيكتبوا تقريرهم وبيرسالوه للمحكمه

وقبل جلسه التقرير بيتم عمل إعلان للزوج بورود التقرير وبمعاد جلسته وفي تلك الجلسه القاضي بيحجز الدعوي للحكم وبننتظر تقريبا عشرين يوم لاستلام الحكم والصيغه التنفيذيه واخطار السجل المدني من تاريخ النطق بالحكم
وبيتم الذهاب للسجل المدني التابع لعنوان الزوجه لتسجيل حكم الخلع وبتستلم شهاده طلاق رسميه

اترك تعليقا