عاوز تدخل كهرباء – عاوز تتعاقد على المرافق ومش عارف ؟؟
عاوز تدخل كهرباء - عاوز تتعاقد على المرافق ومش عارف ؟؟
عاوز تخلص ومش لاقى حد يجاوب عليك ويديك المعلومة كافية وافية خالصة مخلصة !! البوست الجاى ده خطوة خطوة
عاوز تدخل كهرباء
ممكن أن أنت تتابع الخطوات الجاية علشان تكون قادر أنك تدخل الكهرباء
الخطوة الأولى
خلى معاك فيزا اصحى بدرى تخلص بدرى
الخطوة التانية
روح جهاز الحدائق امام المنطقة 1 ابنى بيتك وقدم طلب لادخال مرفق المياه وصور الرخصة ومحضر الاستلام و البطاقة، واذا كنت شارى بتوكيل او اكتر
يبقى صور التوكيلات واحجز على شباك 6 بالمركز التكنولوجى …هيديك رقم مراجعة ارجع تانى عشان تاخد رقم خزينة .. ادفع بالفيزا .. 228 جنيه . مبروك اتمام الاجراءا الاول بنجاح.
وبعد اسبوع ارجع للارشيف عشان تاخد ميعاد معاينة
من ادارة التشغيل و الصيانة وتاخدمحضر او نموذج المعاينة من السيد الموظف المسئول وتروح لجهاز أكتوبر الأم عشان تعمل تعاقد على المياه ومش شرط تشترى العداد …
دور واحد اعمل حسابك على 2100 جنيه تقريباً ( داخلى طوب أحمر )
وطبعا المبلغ هيختلف باختلاف عدد الادوار او نوعيه التشطيب او السكن بالمنزل من عدمه .. الخ او وجود اعفاء من الاقساط بالنسبة ل 3 أدوار .
كذلك خلصت التعاقد مبروك في هذه الحالة تقدر تكمل الاجراء التانى ممكن تعمله مع تقديم طلب دخول مرفق المياه هتجيب اذا سداد للاشغالات من التنمية.
كما اذا كنت لم تسدد من قبل وطبعا خلى معاك رصيد فى الفيزا ( 498 جنيه )) هتعمل اذن الدفع من مسئول التنمية وتوقعه من مدير الادارة المختص بالدور الثالث م / أمجد انيس … وتنزل تاخد رقم مراجعة من شباك 8 وتاخد رقم للخزينة … سددت مبروك .
تابع المزيد: دعوي ادارية بادخال تيار كهرباء
عاوز تتعاقد على المرافق ومش عارف
وفى نفس ذات اللحظة ومع الخطوة السابقة عشان تختصر الوقت هتروح مبنى التراخيص و تعمل اذن سداد لرسوم النظافة و المعاينة و الدمغة الهندسية (( 656 جنيه )) عشان تروح تاخد رقم للخزينة وتسدد وبكده تضرب 3 عصافير بخطوة واحدة اختصارا للوقت و الجهد .. كذلك بعدما تقوم بتسدد مصروفات النظافة طبعا هتكون وقعت نموذج خطاب التأمينات الاجتماعية عشان تروح تختم بخاتم شعار الجمهورية (( النسر )) تعظيم سلام.
كذلك خلى بالك الخطوة دى مكانها فى مكتب تأمينات أكتوبر أول خلف سنتر الحلفاوى بالحى الحادى عشر هتاخد معاك اصل خطاب التأمينات واصل الرخصة اصل محضر الاستلام وصورة ا بطاقة الرقم القومى ملف ورقى … الدور الارضى اشترى س 12 من مكتب الوارد وهتروح المكتب اللى بجوارة على اليمين مباشرة عند ا. وليد قدم الملف هيراجع عليه وتطلع الدور الول عند المراجع لمراجعة الطلب.
وتنزل تانى عند ا. وليد هيعمل لك اذن سداد بالخزينة الكلام ده اعمل حسابك قبل الساعة 12 ظهرا … هتسدد حوالى 500 جنيه … بعد السداد اطلع بره صور صورة ايصال السداد ارجع تانى للاستاذ وليد هيمضيك .. تطلع فوق تانى عند مدير المكتب خد تأشيرة لتوريد الملف انزل تحت مكان ما اشتريت س12 تنمها بالمناسبة 1 جنيه …
تابع المزيد: التقديم على الكهرباء بالتفصيل ،،
بعدها بيوم
ورد الملف ارجع تانى يوم استلم الشهادة وادفع 10 جنيه .. مبروك خلصت من مشوار التامينات . اعمل شهادة صلاحية اشغال للمبنى و عقد مقاولة سعر السوق 900
جنيه .. عاوز توفر روح النقابة فى رمسيس هتعملها بحوالى 650 جنيه زى ما تحب أو اتصل علينا برضوا اذا حبيت … اعمل معاينة من التنمية عشان تخلص موقف التنمية، روح شباك 8 خلص موقف العقارية ويكون معاك المخالصة وكشف الحساب.
كذلك روح التراخيص خد ميعاد معاينة للمنزل و تكون عامل وحدة صالحة للسكن على المحارة داخلى (( يعنى خلصت تأسيس السباكة المدفون ودكة الارضية الخرسانية وتأسيس الكهرباء وركبت الحلوق و وعملت المحارة )) هتاخد ميعاد للمعاينة فى يوم المعاينة روح التراخيص ومعاك صورة من الرخصة سلمها فى التراخيص.
واكتب عليها رقم تليفونك هيعدى عليك المهندس المختص مبروك خلصت المعاينة واهم حاجة البيت عندك ما يكونش فيه اى مخالفة واوعاك تلغى تراس الدور الارضى (( غرامة 5000 جنيه ورد الشئ لاصله )) وطبعا تكون عامل المرحلة التالتة وماعندكش اى استحواذ على خط التنظيم او زارع ومستحوذ على الرصيف الخارجى …
خلصت معاينة التراخيص قدم الملف كاملا بموقف التنمية وموقف العقارية وشهادة التأمينات وصورة من تعاقد المياه وسداد رسوم المعاينة و النظافة فى حافظة بكبسولة (( بلاستيك )) فى التراخيص عشان تاخد رقم خطاب الكهرباء اللى هيروح ادارة الكهرباء بهرم سيتى ..
عاوز تدخل كهرباء هتعمل اي؟
توجه الى ادارة الكهرباء بهرم سيتى شوف رقم الخطاب الخاص بك وتكون عامل حسابك ومصور صورة من الرخصة ومحضر الاستلام وب. الرقم القومى
و طبعا التوكيل او التوكيلات حافظة حرف U+ الاصول للاطلاع )) عشان تقدم طلب للمعاينة على حسب انت مقدم على كام عداد الدور الارضى 2 عداد “” سلم وحديقة + دور ))
أكثر يبقى 3 أو 4 عداد رسم المعاينة 50 جنيه للعداد لو عاوز تدخل كهرباء.
كذلك تكون قد قمت بالسداد اطلع فوق للدور الاول خد رقم مهندس المعاينة المسئول بالنسبة للمنطقة السابعة زهرة أكتوبر يوم الاربعاء من كل اسبوع المهمات و الخامات الخاصة بمعانية الكهرباء.
وذلك عن طريق (( كابل ألمونيوم مسلح 50+30 ×25 + مفتاح فصل بالعمومى 125 أمبير + مفتاح 40 أمبير قبل كل عداد يعنى 2 او 3 أو 4 مفتاح + صاعد 16 مم نحاس ))
الطوال بتتحدد على حسب كل بيت مش كله واحد بالنسبة لكابل الالمونيوم المسلح بالنسبة للصاعد البيت كله بياخد متوسط 60 متر نحاس 16 مم لو دور واحد اعمل حسابك على 20 متر متوسط . مبروك خلصت معاينة الكهرباء من الكهرباء.
ارجع تانى للادارة بهرم سيتى أمام مبنى السينما .. عشان تعمل تعاقد على العدادات ثمن العداد الواحد 1250 جنيه …
طبعا تكون مصور اللى قولنا عليه من قبل نسخة لكل عداد قدمت دفعت تعاقدت مبروك، اطلع فوق الدور الاول خد رقم مسئول التركيبات + مسئول العدادات )) تابع معاهم لغاية ما تركب
مؤسسة حورس للمحاماه للتواصل 01129230200