الشروط الواجب توافرها في الام الحاضنه
الشروط الواجب توافرها في الام الحاضنه
1- أن تكون الأم الحاضنة بالغة عاقلة.
2- ضرورة أن تخلو من الأمراض أو العاهات مما يعجزها عن الحضانة.
3- يجب أن تكون الأم الحاضنة أمينة على المحضون لا يضيع الولد عندها.
4- ألا تكون الأم الحاضنة متزوجة من أجنبى عن الصغير سواء دخل بها أم لم يدخل.
5- شدد القانون على ألا تقيم الحاضنة بالمحضون فى بيت من يبغضه كأن تقيم جدته لأمه مع ابنتها أم المحضون وزوجها الأجنبى عنها.
وفى حالة مخالفة شرط من تلك الشروط التي أوضحها القانون يسقط عن الحاضنة الحق فى الحضانة وينتقل إلى من يليها فى الترتيب –إلا أن هذا الحق يعود إليها إذا عادت إليها شروط الحضانة.
من أكثر القضايا الخلافية بين أى زوجين ينفصلوا هو موضوع الأطفال وهيبقوا مع مين ؟
وعشان نبدأ بصراحة لازم ننوه إن مشكلة الأطفال فى حد ذاتها مش مشكلة كبيرة بالعكس ده من مصلحة الأطفال إن يكون الحل فيها ودى بين بالتناوب والتردد على الأب والأم وأهل الطرفين بالود لإن ده بيسهل كتير على الأطفال الواقع النفسى من إنفصال الأبوين.
لكن النسبة الأكبر من الخلافات على الأطفال واللجوء للمحاكم بيكون بسبب ما يترتب على حضانة الأطفال سواء من حقوق مالية ونفقة هيستحقها صاحب اليد على الأطفال أو بسبب إن الطرف اللى معاه الأطفال عايز يأدب بيهم الطرف التانى ويمنعه من رؤيتهم.
مةضوع حضانة الأطفال محدد فى القانون بشكل حازم جدا يصل لدرجة النظام العام فى شأن ترتيب الحاضنات يعنى مينفعش واحد ييجى قبل دوره إلا بالتراضى وهم كالآتى :
1- الأم ودى محدش يقدر ينازعها حضانة أطفالها نهائى مالم تتزوج من آخر خلاف والدهم .
2- الجدة لأم وإن علت يعنى الموجود من أم أمها أو أم أم أمها وهكذا.
3- الجدة لأب وإن علت يعنى أم الأب أو أم أم الأب لو موجودة طبعا.
4- الأخت الشقيقة ثم الأخت لأم ثم الأخت لأب .
5- الخالات أشقاء الأم ثم أخت الأم لأمها ثم أخت الأم لأبيها.
لو خلص بقى كل زوى الأرحام دول أو محدش مؤهل للحضانة ييجى بقى دور العصابات من الرجال الأب ثم الجد لأب ثم الإخوة .
علما بإن سن الحضانة اللى بيتطبق عليه الكلام ده لحد 15 خمسة عشر عام فقط للذكور والإناث
.حورس للمحاماه 01111295644