مؤسسة حورس للمحاماة زواج وطلاق الاجانب, تأسيس الشركات في مصر, إنهاء مشاكل الاقامه للاجانب في مصر, توثيق عقود زواج عرفي , قضايا محكمة الاسره , تأسيس الشركات , توثيق عقود زواج وطلاق الاجانب , توثيق عقود زواج عرفي , تقنين اقامات الاجانب , القضاء الاداري , القضاء المدني

اشتريت شقة و عملت صحة توقيع هي كدا ملكي

اشتريت شقة و عملت صحة توقيع هي كدا ملكي

0 19

اشتريت شقة و عملت صحة توقيع هي كدا ملكي

— كتيير من الناس لما بتشترى عقار سواء حتة ارض او شقة بيروح المشتري للمحامي و يقوله ارفعلي دعوى صحة توقيع .. و بيبقا فاكر أنها بتنقل الملكية بدل الشهر العقاري !!
الكلام دا مش مظبووط .. الملكية لسا مع البائع و ممكن يبيع لمليون واحد تاني
————————————-
عشان كدا لازم تعرف الفرق بين دعوى صحة التوقيع —
والتسجيل ف الشهر العقاري –و دعوى اسمه ” صحة ونفاذ ”

أولاً : دعوى صحة التوقيع ;;

من اسمها “” دعوى وقائية هدفها ان البائع مينكرش التوقيع ” !
بالتالي هي مجرد دعوى الهدف منها اثبات صحة توقيع البائع فقط على عقد البيع .. لكن مش بيتحكم بصحة العقد نفسه و نقل الملكية !! .. يعني القاضي بيبص للتوقيع بس

و فوق كل دا .. الملكية مش هتتنقل عشان القاضي مش بيبص للعقد اصلاً ! بيبص للامضاء او البصمة بسسسس .. بحيث ميجيش البائع بعد كدا يقول التوقيع مش بتاعي .. دا مزور .. تقوله ان اتحكم عليه ان توقيعه صحيح .. و ركزز توقيعه مش العقد ..
و دي دعوى بسيطة ممكن تسترخص و ترفعها و تبقا فاكر ان حقك مضمون ..
لا حقك مش مضمون انا ممكن ارفعلك دعوى صحة توقيع ع ورقة بيضا او عقد مفسوخ عادي

و عشان كدا عادي جداً ممكن تترفع دعوى صحة توقيع ع عقد باطل ! اة والله و ممكن ابيع دلوقتي لأي حد شقته و هي مش بتاعتي و اعملها صحة توقيع ” بيع ملك غير ”
و ممكن تشتري شقة متباعة لواحد قبل كدا و انت متعرفش لأنه مش مسجلها يدووب رافعلها صحة توقيع و فرحاان زيك بالظبط

 

 

ثانياً :التسجيل في الشهر العقاري هو اللي بينقل الملكية من البائع للمشتري ;;

و دا ف حالة أن البائع و المشتري موافقين يروحو مع بعض الشهر العقاري يسجلو عقد البيع و يحولوه من ” ابتدائي ” لعقد ” نهائي ” و بالتالي تتنقل الملكية من البائع للمشتري

— طب حضرتك انا اشتريت شقة
و اللي باعهالي مش راضي يجي معايا الشهر العقاري .. اعمل اية ؟؟

ثالثاً : هنا بيجي دور ” دعوى الصحة و النفاذ “

دي دعوى اقوى واشد بكثير من دعوى صحة التوقيع لأنها قد التوثيق والتسجيل العقارى بل فى بعض الاحوال تكون اقوى من تسجيل الشهر العقارى الغرض منها اثبات صحه العقد باكمله من البدايه الي النهايه و هي الدعوى الوحيدة اللي بتقوم بنقل ملكيه العين محل البيع اليه ملكيه تامة وبالتالي فانها دعوى ناقله للملكيه .
و دي الدعوى الوحيدة الناقلة للملكية … اللي بتحكم ان العقد صحيح و ان الملكية اتنقلت من البائع للمشتري فعلاً و بيتسجل الحكم ف الشهر العقاري عشان اي حد يسال ع الشقة يلاقيها بتاعت حضرتك ..

-طب حضرتك لو اتباعت الشقة عشرين مرة من بائع واحد .. الشقة بتاعت مين لو كلهم سجله هقولك العبرة بالأسبقية في التسجيل .. يعني اللي راح الشهر العقاري الأول أو رفع صحة و نفاذ و كسبها الأول هو اللي الشقة أو الأرض بتاعته ..

و المحامي بتاعك ممكن ميرفعلكش صحة و نفاذ ليييه ؟
يا عشان اتعابها زيادة لطول اجراءاتها و حضرتك بتسترخص ..
يا اما عشان صحة التوقيع أسهله و هو اقنعك انها حلوة+

حورس للمحاماه                    01111295644