الحضور الوجوبي والجوازي للمتهم..محامي جنائي

الحضور الوجوبي والجوازي للمتهم..محامي جنائي

بعض المتهمين فى القضايا المختلفة، لا يعرفون إذا كان حضورهم للمحكمة وجوبيا أو أنه يجوز حضور المحامى عنهم بتوكيل، وهو ما قد يتسبب فى غياب المتهم عن حضور جلسة وجوبية وعليه يصدر حكما غيابيا ضد المتهم.

وينص القانون على أن الجنح التى لا يوجد فيها كفالة مالية ويكون الحكم فيها واجب النفاذ بمجرد صدوره، فهى واجبة الحضور للمتهم ولا يجوز الحضور عنه بتوكيل، كالسرقة والآداب والتسول والإتلاف العمدى وحيازة سلاح.

كما أن الجنح التى يجوز عدم حضور المتهم فيها، وأن يحضر عنه المحامى بتوكيل هى التى لا يوجد فيها حبس وجوبى ومشمولة بكفالة مالية؛ لإيقاف تنفيذ عقوبتها مؤقتًا، كجنحة النصب والشيكات، موضحاً أنه فى محكمة الجنح المستأنفة، إذا كانت الجنحة غير مباشرة فأن المتهم ملزم بالحضور بنفسه أمام المحكمة، أما إذا كانت جنحة غير مباشرة، فأن المتهم غير ملزم بالحضور أمام محكمة الجنح المستأنفة، إذا كان مسددًا للكفالة المالية المقدرة من محكمة جنح أول درجة.

وفي حالة صدور حكم أول درجة بالبراءة فى جنحة الحضور فيها وجوبى، واستأنفت النيابة على الحكم، يكون حضور المتهم وجوبى أمام جنح مستأنف

ازاي تعرف ان موكلك لازم يحضر بنفسه في المحكمة او انه مش لازم يحضر وانه يجوز انك تحضر عنه بتوكيل , الموضوع دا مهم جدا لأن عدم معرفتك به بيترتب عليها انك ممكن تلاقي نفسك في جلسة (الحضور فيها وجوبي) وانت مش معاك المتهم والقاضي يحرجك ويرفض سماع مرافعتك ويحكم غيابي على موكلك ( أ ) محكمة الجنح 1 ) ببساطة الجنح اللي مفيهاش كفالة والحكم فيها بيكون واجب النفاذ بمجرد صدوره , دي لازم المتهم يحضر المحاكمة بنفسه ولا يجوز الحضور عنه بتوكيل طيب ايه هي الجنح دي اللي مفيهاش كفالة

الحضور الوجوبي والجوازي للمتهم..محامي جنائي

والحكم فيها بيكون واجب النفاذ الجنح دي هي : السرقة – الآداب – التسول – حيازة سلاح يعني في اي جنحة منهم لازم حضرتك تخلي المتهم يحضر بنفسه في المحكمة إنما اي جنحة غير الجنح دي مش لازم المتهم يحضر بنفسه وتحضر معاه طبعا إنما يجوز انك تحضر عنه بتوكيل زي جنح النصب , الشيكات 2 ) جميع جنح أمن الدولة الطوارئ الحضور فيها وجوبي للمتهم بشخصه

(ب) محكمة الجنح المستأنفة مبدئيا كدا اذا كانت الجنحة اقيمت امام محكمة الجنح (جنحة غير مباشرة) يعني محضر في القسم او في النيابة وصدر فيها حكم بالحبس في الحالة دي لازم المتهم يحضر بنفسه امام محكمة جنح مستأنف والكلام دا ينطبق على كل الجنح مهما كان نوعها ودا لأن الجنح الغير مباشرة الصادر فيها حكم بالحبس لما تيجي محكمة جنح مستأنف تحكم فيها بيكون حكمها واجب النفاذ مجرد صدوره.

طيب اذا كانت الجنحة اقيمت امام محكمة الجنح (جنحة مباشرة) في الحالة دي مش لازم المتهم يحضر امام محكمة الجنح المستأنفة حتى اذا كان حكم أول درجة بالحبس وحتى اذا كانت الجنحة من الجنح اللي الحضور فيها وجوبي قدام محكمة الجنح , مش لازم يحضر المتهم ويجوز انك تحضر عنه بتوكيل والكلام دا ينطبق على كل الجنح مهما كان نوعها و لكن بشرط واحد و هو أن تسدد الكفالة

و علشان كده معظم المحاكم بتحكم بكفاله عاليه في الجنح المباشرة حتي تجبر المتهم علي الحضور بشخصه وحضرتك اذا كنت وكيل المجني عليه الافضل ليك لما تيجي تعمل جنحة تعملها غير مباشرة علشان في الحالة دي حضور المتهم وجوبي أمام محكمة الجنح مستأنفة ودا بيمثل ضغط عليه خصوصا في الجنح اللي بيجوز فيها الصلح (مش هقولك ليه استنتج بنفسك)

و اذا كنت وكيل المتهم لازم تكون عارف هل يجوز حضورك بتوكيل عن موكلك ولا لازم هو يحضر بنفسه في المحكمة جزئية مهمة : في حالة صدور حكم اول درجة بالبراءة في جنحة الحضور فيها وجوبي ثم استأنفت النيابة الحكم بيكون حضور المتهم وجوبي امام الجنح المستأنفة انت كمحامي في الحالة دي من الأفضل ليك ان موكلك مايحضرش لأنه اذا قامت محكمة الجنح المستانفة بتعديل الحكم وحكمت بالحبس يبقى الحكم هيتنفذ على موكلك الافضل انه ميحضرش لأن حكم محكمة الجنح مستأنفة قد يصدر بتأييد حكم البراءة أو قد يصدر حكم بالحبس فا بيكون غيابي ويكون من حقك تعمل معارضة استئنافية.

مؤسسة حورس للمحاماه    01129230200